Francis Godwin Mzee Wa Matukio Daima

SHEREHE ZA POLISI FAMILIA DAY YAFANA IRINGA USIKU HUU ,RC APONGEZA UTENDAJI KAZI -LIVE

2012-01-27T21:43:00.003+03:00

Kaimu kamanda wa polisi mkoa wa Iringa Claus Mwasyeba akiwa ametunukiwa cheti na mkuu wa mkoa wa Iringa Dr Christina Ishengoma kwa utendaji kazi uliotukuka na askari wengine zaidi ya 10
Wadua wa polisi wakigonganisha grasi na meza kuu
Mke wa RTO Iringa mama Mnubi akigonga grasi na mgeni meya Mwamwindi
Askari wakionyesha upendo na mgeni rasmi
Kamanda wa kikosi cha usalama barabarani mkoa wa Iringa RTO Kedmund Mnubi akitoka kupokea cheti cha utendaji mzuri wa askari wake wa kikosi cha barabarani
Askari mchapakazi akipokea cheti
Askari wa upelelezi Iringa Teddy Timbuka (kulia) akipokea cheti chake kwa kazi nzuri
Sajenti Magreth akipokea cheti kwa kazi nzuri
Mrakibu mwandamizi wa polisi mkoa wa Iringa Bw.Mashaballa akipokea cheti

Mrakibu msaidizi wa polisi Bw.Mwenda akifurahi na meza kuu
Afande Ndauka akipongezwa kwa niaba ya askari wa usalama barabarani wote

Breakingnewsssss Msafara wa makamu wa Rais wapata ajali WAUA

2012-01-27T18:35:00.001+03:00

Taarifa kutoka mkoani Tanga zinadai kuwa msafara wa makamu wa Rais Wa Jamhuri ya muungano wa Tanzania umepata ajali katika eneo la Mombo mkoani Tanga jioni ya Leo.

Habari zinadai kuwa watu kadhaa wakiwemo askari wamekufa papo hapo habari kamili utaipata Pindi mwandishi wa mtandao huu atakapo rejea kutoka eneo la tukio.

DC MUFINDI AWAONYA WAFANYAKAZI SAO HILL KUJITUMA KATIKA KAZI

2012-01-27T15:52:00.002+03:00

Mkuu wa wilaya ya Mufindi mkoani Iringa Evarista Kalalu amewataka Wafanyakazi wa kiwanda cha Sao hill wilayani hapo kufanya kazi kwa kujituma na kuepuka kufanya migomo isiyo kuwa na maana katika kazi.

Mkuu huyo wa wilaya ametoa kauli hiyo Leo wakati akizindua mtambo wa kisasa wa kukausha mbao katika kiwanda hicho na kuwa ili wawekezaji wazidi kuwa msaada katika wilaya hiyo ni lazima Wafanyakazi hao kufanya kazi kwa bidii zaidi ili kuweza kuwafanya wawekezaji hao kuendelea kuwekeza nchini.

Pia alisema kuwa kiwanda hicho cha saohill kumekuwa msaada mkubwa katika maendeleo ya wilaya hiyo ya Mufindi na kupongeza jitihada mbalimbali zinazofanywa katika kuongeza kasi ya uwekezaji katika wilaya hiyo.

Kwa upande wake mkurugenzi mkuu wa green resource Mads Asprem alisema kuwa ujenzi wa mtambo huo umefanikiwa kutokana na jitihada za wahisani NOR FUND Norway ambao wamefanikisha kutoa mkopo kwa ajili ya ujenzi wa mtambo huo.

Alisema kuwa kuanzishwa kwa mtambo huo ni maendeleo makubwa katika kuwezesha taifa kuanza mchakato wa kutengeneza samani mbali mbali badala ya kutegemea samani kutoka nje ya nchi ambazo nyingi hazina ubora.

Katika hatua nyingine alipongeza hali nzuri ya Amani na utulivu iliyowekwa na. Serikali ya CCM na kuwa iwapo hali hiyo itaendelea zaidi kasi ya uwekezaji itazidi kuboreka nchini.

Habari zaidi na picha zinakuja

TAARIFA MBALI MBALI KUTOKA TFF LEO

2012-01-27T14:21:00.000+03:00

JKT RUVU, YANGA KUCHEZA SAA 12
Mechi namba 100 ya Ligi Kuu ya Vodacom kati ya JKT Ruvu na Yanga itachezwa kesho (Januari 28 mwaka huu) kwenye Uwanja wa Taifa, Dar es Salaam kwa mujibu wa ratiba ya ligi hiyo. Lakini mechi hiyo sasa itaanza saa 12 kamili jioni badala ya saa 10 kamili jioni.

Mabadiliko hayo ya muda yamefanyika ili kutoa nafasi kwa timu ya Taifa ya Namibia kufanya mazoezi kwenye uwanja huo saa 10 jioni kabla ya mechi yao ya Kombe la Afrika kwa Wanawake (AWC) dhidi ya Twiga Stars itakayochezwa Jumapili (Januari 29 mwaka huu) kwenye uwanja huo kuanzia saa 10 kamili jioni.

Kwa mujibu wa kanuni za mashindano ya AWC yanayoandaliwa na Shirikisho la Mpira wa Miguu Afrika (CAF), siku moja kabla timu ngeni ni lazima ipewe fursa ya kufanya mazoezi kwenye uwanja utakaotumika kwa mechi katika muda ule ule.

Pia kutokana na mechi ya Twiga Stars na Namibia, mechi namba 102 kati ya Moro United na Azam iliyokuwa ichezwe Januari 29 mwaka huu Uwanja wa Chamazi, Dar es Salaam, sasa itachezwa Januari 30 mwaka huu kwenye uwanja huo huo.

Mabadiliko hayo hayajaathiri mechi nyingine za mzunguko wa 15. Mechi hizo ni kati ya Villa Squad na Toto African (Januari 28 mwaka huu- Uwanja wa Chamazi), Ruvu Shooting na Kagera Sugar (Januari 28 mwaka huu- Uwanja wa Mlandizi), Mtibwa Sugar na Coastal Union (Januari 29 mwaka huu- Uwanja wa Manungu), African Lyon na Polisi Dodoma (Februari 1 mwaka huu- Uwanja wa Chamazi) na Simba na JKT Oljoro (Februari 1 mwaka huu- Uwanja wa Taifa).

Viingilio kwa mechi za Uwanja wa Taifa ni sh. 3,000 viti vya bluu na kijani, sh. 5,000 viti vya rangi ya chungwa, sh. 10,000 VIP C na B, na sh. 15,000 VIP A wakati Uwanja wa Chamazi ni sh. 3,000 kwa mzunguko na sh. 10,000 kwa jukwaa.

WAETHIOPIA KUCHEZESHA YANGA, ZAMALEK
Waamuzi kutoka Ethiopia ndiyo watakaochezesha mechi namba 7 ya Ligi ya Mabingwa Afrika kati ya Yanga na Zamalek ya Misri itakayochezwa Februari 18 mwaka huu Uwanja wa Taifa, Dar es Salaam.

Shirikisho la Mpira wa Miguu Afrika (CAF) limemteua Bamlack Tessema kuwa mwamuzi wa kati kwenye mechi hiyo wakati waamuzi wasaidizi ni Yilma Knife na Mussie Kindie. Mwamuzi wa akiba (fourth official) atakuwa Waziri Sheha wa Tanzania na Kamishna wa mchezo huo ni Charles Kafatia wa Malawi.

KOZI YA UKOCHA NGAZI PEVU FEB 12
Shirikisho la Mpira wa Miguu Tanzania (TFF) limeandaa kozi ya ukocha ngazi pevu (advanced level) itakayofanyika Dar es Salaam kuanzia Februari 12-25 mwaka huu.
I
Wakufunzi watakuwa Kocha wa Taifa Stars, Jan Poulsen ambaye pia ni mkufunzi wa Shirikisho la Kimataifa la Mpira wa Miguu (FIFA), Mkurugenzi wa Ufundi wa TFF, Sunday Kayuni ambaye pia ni mkufunzi wa Shirikisho la Mpira wa Miguu Afrika (CAF) na Kocha wa timu za Taifa za vijana Kim Poulsen ambaye pia ni mkufunzi wa Chama cha Mpira wa Miguu cha Denmark (DBU).

Mwisho wa kupokea maombi kwa makocha wanaotaka kushiriki kozi hiyo ambayo ada yake ni sh. 60,000 itakuwa Februari 5 mwaka huu.

Sifa kwa waombaji ni kuwa elimu ya kuanzia kidato cha nne, wawe wanafanya kazi hiyo ya ukocha na wamefaulu vizuri mafunzo ya ukocha ngazi ya kati (intermediate level). Pia wawe wamefundisha angalau kwa miaka miwili baada ya kupata cheti cha intermediate level.

Pia wanatakiwa maombi yao yawe yameidhinishwa na ama vyama vya makocha wa mpira wa miguu vya mikoa, vyama vya mpira wa miguu vya wilaya au vyama vya mpira wa miguu vya mikoa.

Kwa makocha watakaofaulu kozi hiyo watakuwa wamepata sifa ya kuhudhuria kocha ya ukocha ya Leseni C ya CAF.

Boniface Wambura
Ofisa Habari
Shirikisho la Mpira wa Miguu Tanzania (TFF)

TUPO 'LIVE' NA RADIO COUNTRY FM 88.5 KATIKA MSIBA WA MBUNGE GALINOMA SASA

2012-01-27T07:57:00.002+03:00

Mpendwa mdau wa mtandao huu kuanzia saa 2.00 asubuhi mtandao huu kupitia radio country fm 88.5 tutskupatia mahojiano ya moja kwa moja 'LIVE'kutoka Kalenga kwa aliyekuwa mbunge wa jimbo la Kalenga marehemu Steven Galinoma waweze kusikiliza mahojiano popote duniani kupitia mtandao nenda katika Tafuta katika mtandao wako sasa

ALIYEKUWA MBUNGE WA KALENGA STEVEN GALINOMA KUZIKWA JUMAPILI HII KALENGA

2012-01-27T00:58:00.004+03:00

marehemu Galinoma kushoto akiwa na wajukuu wake siku ya kumbukunbu ya kifo cha mke wake wa kwanza mwaka juzi.

MBUNGE wa zamani wa jimbo la Kalenga kupitia chama cha mapinduzi (CCM) Stephen Galinoma ambaye pia alikuwa ni mwenyekiti wa wabunge wa CCM mkoa wa Iringa amefariki dunia .

Akizungumza na mtandao wa www.francisgodwin.blogspot.com kwa njia ya simu mtoto mkubwa wa marehemu Galinoma ,Bi Magreth Galinoma alisema kuwa babake alifariki majira ya asubuhi jana wakati akikimbizwa katika Hospital teule ya wilaya ya Iringa (hospital ya Ipamba) baada ya kuzidiwa ghafla akiwa nyumbani kwake Kalenga .

Magreth alisema kuwa kabla ya kuzidiwa marehemu Galinoma alikuwa akitibiwa katika hospital mbali mbali hapa nchini na nje ya nchi na kuwa alikuwa akisumbuliwa na tatizo la ugonjwa wa kansa ya kibofu cha mkojo .

Alisema kuwa jana mchana alifikishwa mjini Iringa katika Hospital ya Aghakan kwa ajili ya kutazamwa afya yake na kupatiwa matibabu na kuruhusiwa kurudi nyumbani na leo asubuhi aliomba kupewa maziwa na baada ya kupewa maziwa hakuweza kumaliza kikombe kimoja baada ya maziwa hayo kila anapojaribu kunywa kumshinda na kutokea puani na mdomoni na ndipo walipoamua kumkimbiza Hospital ili kusaidiwa zaidi na wakiwa njiani alifariki dunia.

Magreth alisema kuwa taratibu za mazishi zinaendelea kupangwa na kama ratiba itakwenda vizuri kwa ndugu kufika kwa wakati basi mazishi yanaweza kufanyika siku ya jumapili yumbani kwake Kalenga.

Marehemu Galinoma katika uhai wake alipata kushika nafasi mbali mbali serikalini na katika chama cha mapinduzi (CCM) kwa kuwa mbunge wa jimbo hilo la Kalenga katika vipindi viwili tofauti kuanzia 1995 hadi 2000 na baada ya hapo alishindwa katika kura za maoni na George Mlawa ambaye alipata kuongoza kutoka mwaka 2000 hadi 2005 na baada ya hapo ndipo mzee Galinoma aliposhinda tena kura za maoni na kuongoza toka mwaka 2005 hadi mwaka 2010 na kuamua kustaafu ubunge na nafasi yake kuchukuliwa na mbunge wa sasa Dr Wiliam Mgimwa.

Binafsi kama mmiliki wa mtandao huu nitamkumbuka marehemu Galinoma kama mgombea mwenzangu katika kinyang'anyiro cha kura za maoni ubunge mwaka 2005 ambapo nilipata kugombea na Galinoma kunipita na kushinda katika mchakato huo

RASI KIKWETE ALINZWA NA KIFO MBUNGE GALINOMA

2012-01-27T00:42:00.003+03:00

UNITED REPUBLIC OF TANZANIA

DIRECTORATE OF PRESIDENTIAL COMMUNICATIONS

Telephone: 255-22-2114512, 2116539

E-mail: press@ikulu.go.tz

Website: www.mawasilianoikulu.go.tz
Fax: 255-22-2113425

Coat of Arms

PRESIDENT’S OFFICE,

THE STATE HOUSE,

P.O. BOX 9120,

DAR ES SALAAM.

Tanzania.

TAARIFA KWA VYOMBO VYA HABARI

SALAMU ZA RAMBIRAMBI ZA RAIS WA JAMHURI YA MUUNGANO WA TANZANIA, MHESHIMIWA

DKT. JAKAYA MRISHO KIKWETE

Rais wa Jamhuri ya Muungano wa Tanzania, Mheshimiwa Dkt. Jakaya Mrisho Kikwete amemtumia salamu za rambirambi Mwenyekiti wa Chama Cha Mapinduzi (CCM) Mkoa wa Iringa, Mheshimiwa Deo Kasenyenda Sanga kufuatia kifo cha Steven Johns Galinoma aliyewahi kuwa Mbunge wa Jimbo la Uchaguzi la Kalenga mkoani Iringa kwa tiketi ya CCM.

Marehemu Steven Galinoma amefariki leo tarehe 26 Januari, 2012 saa 4.00 asubuhi akiwa njiani kupelekwa katika Hospitali ya Misheni ya Ipamba iliyopo Iringa Vijijini kwa matibabu kutokana na ugonjwa wa saratani akitokea kijijini kwake Kalenga.

Enzi za uhai wake, Marehemu Steven Galinoma pia aliwahi kufanya kazi Serikalini kwa muda mrefu na kushika nyadhfa mbalimbali hadi kufikia wadhfa wa Katibu Mkuu katika Wizara ya Ulinzi na Jeshi la Kujenga Taifa.

“Nimeshtushwa, nimesikitishwa na kuhuzunishwa sana kutokana na taarifa za kifo cha Mheshimiwa Steven Johns Galinoma aliyewatumikia na kuwaongoza kwa uadilifu na uhodari mkubwa wananchi wa Jimbo la Uchaguzi la Kalenga kupitia Chama Cha Mapinduzi (CCM)”, amesema Rais Kikwete katika salamu zake.

Aidha Rais Kikwete amesema hata alipokuwa katika utumishi wa Serikali enzi za uhai wake, alimfahamu Marehemu Galinoma kama kiongozi shupavu, mwadilifu na mchapakazi hodari.

Rais Kikwete amemuomba Mwenyekiti wa CCM Mkoa wa Iringa kumfikishia salamu zake za rambirambi na pole nyingi kwa familia ya Marehemu kwa kuondokewa na mhimili muhimu na kiongozi wa familia.

“Natambua uchungu mkubwa walio nao kwa kuondokewa na mpendwa wao, lakini nawahakikishia kwamba nipo pamoja nao katika kuomboleza msiba huu mkubwa”, amesema Rais Kikwete na kwamba anamuomba Mwenyezi Mungu, mwingi wa Rehema ailaze mahali pema peponi roho ya Marehemu Steven Galinoma, Amina.
Imetolewa na:

Kurugenzi ya Mawasiliano ya Rais,

Ikulu,

DAR ES SALAAM.

26 Januari, 2012

RATIBA YA MAZISHI YA MBUNGE GALINOMA KUJULIKANA KESHO

2012-01-26T23:22:00.002+03:00

Familia ya mbunge wa zamani wa jimbo la kalenga marehemu Stephen GALINOMA kujulikana kesho Ijumaa mdau utapata taarifa kwa undone zaidi KTK mtandao huu

BREAKINGNEWzzzzzzzzzz MBUNGE WA ZAMANI WA KALENGA STEPHEN GALINOMA AMEFARIKI DUNIA

2012-01-26T12:18:00.003+03:00

Marehemu Stephen Galinoma

Habari za uhakika zilizotua katika mtandao huu kutoka Kalenga katika wilaya ya Iringa vijijini zinadai kuwa mbunge wa zamani wa jimbo la Kalenga Mhe.Stephen Galinoma pichani amefariki dunia asubuhi hii wakati akikimbizwa katika hospitali teule ya wilaya ya Iringa hospitali ya Ipamba .

Habari ambazo mtandao huu wa www.francisgodwin.blogspot.com umezipata na kuthibitishiwa na mtoto wa Galinoma Magreth zinadai kuwa Galinoma amefariki majira ya asubuhi ya leo wakati akikimbizwa hospital hiyo ya Ipamba .

Alisema kuwa marehemu kabla ya kifo chake alikuwa akisumbuliwa na matatizo ya kansa ya kibofu cha mkojo na taarifa zaidi utaendelea kuzipata katika mtandao huu .

Marehemu Galinoma alikuwa mbunge wa jimbo la Kalenga kupitia CCM kuanzia mwaka 2005 hadi 2010 alipostaafu na nafasi yake kuchukuliwa na mbunge wa sasa Dr Wiliam Mgimwa .

WAZIRI MKUU PINDA AWATAKA MADAKTARI KUTOFANYA MGOMO

2012-01-26T08:36:00.008+03:00

waziri mkuu Mhe.Pinda

Waziri Mkuu Mheshimiwa MIZENGO PINDA amezungumzia mgogoro unaoendelea kati ya Chama Cha Madaktari na serikali huku akiwataka Madaktari kurejea kazini ili kuokoa maisha ya binadamu wakati madai yao yakiendelea kutafutiwa ufumbuzi.

Katika mkutano wake na Wahariri wa vyombo mbalimbali vya habari uliofanyika leo ofisini kwake jijini Dar es salaam Waziri Mkuu, amewaomba Madaktari kurejea kazini na kuachana na mgomo huku akiwataka viongozi wa Chama hicho kuonana naye muda wowote kuanzia sasa.

Kimsingi amesisitiza kuwa hakuna jambo zuri kama kukaa meza moja lengo likiwa ni kuyatafutia ufumbuzi madai yao hivyo hakuna sababu ya kuendelea na mgomo huo kwani anayepata tabu ni mgonjwa.

Pamoja na mambo mengine katika mkutano huo pia Mheshimiwa PINDA amezungumzia masuala ya Uchumi, Elimu, Miundombinu, Mchakato wa Katiba Mpya, Mifugo, Uvuvi, Mafuriko yaliyojitokeza nchini, Umeme, Chakula na Maadhimisho ya miaka 50 ya Uhuru yaliyofanyika Disemba 9 mwaka jana.

Kuhusu mchakato wa Katiba Mpya Waziri Mkuu amesema serikali tayari imeunda kamati ya kutafiti ni wapi yatakuwa Makao Makuu ya Tume itakayoundwa kwa ajili ya kukusanya maoni ya wananchi kuhusu Katika Mpya pamoja na kuandaa vitendea kazi vya Tume hiyo.

Pia kuhusu zoezi la kuwahamisha waathirika wa mafuriko katika makazi mapya ya Mabwepande amesema linaendelea vizuri huku akisisitiza kuwa serikali itawachukulia hatua kali watu watakoendelea kukaa sehemu hatarishi za Mabondeni.

Kuhusu suala la upungufu wa chakula katika baadhi ya maeneo nchini Waziri Mkuu amefafanua kuwa hakuna mtu atakayekufa kutokana na upungufu wa chakula kwani hatua mbalimbali za kukabiliana na hali hiyo zinachukuliwa ambapo hadi sasa kuna zaidi ya Tani Laki Moja za chakula katika ghala la Taifa la chakula.

Akizungumzia suala la baadhi ya wanafunzi wa shule za msingi kufutiwa matokeo yao kutokana na udanganyifu amesema serikali ipo katika mchakato wa kuangalia mfumo wa ufundishaji unaotumika nchini na kama utaonekana una kasoro basi utabadilishwa mara moja.

Kuhusu uteuzi wa Wakuu wa Mikoa Mipya pamoja na Wakuu wa Wilaya Mheshimiwa PINDA amesisitiza kuwa watajulikana mapema mwezi ujao.

Katika hatua nyingine, Waziri Mkuu amesema hatagombea nafasi ya Urais katika Uchaguzi Mkuu wa mwaka 2015 kama ambavyo imekuwa ikidaiwa na baadhi ya wanasiasa kuwa yeye ni miongoni mwa wagombea wa Urais wa Jamhuri ya Muungano wa Tanzania katika uchaguzi mkuu ujao.

Habari zaidi sikiliza radio uhuru Fm jijini D,Salaam

BREAKING NEWsssssssssssYAMETIMIA LUDEWA MHANDISI ALIYESHINDWA KUWAJIBIKA APELEKWA RUKWA KWA WAZIRI MKUU PINDA

2012-01-26T08:16:00.006+03:00

Naibu waziri wa Tamisemi Mhe.Mwanri kulia akimwonyesha ubovu wa mradi wa nyumba mhandisi Rashid Mtamila aliyehamishwa (kulia)

Sakata ya ubovu wa miradi ya ujenzi wa barabara na nyumba za watumishi katika wilaya ya Ludewa limechukua sura mpya baada ya mhandisi wa ujenzi katika Halmashauri ya Ludewa Rashid Mtamila kushushwa cheo na kuondolewa katika wilaya ya Ludewa na kupelekwa katika mkoa wa Rukwa kama ambavyo mbunge wa jimbo la Ludewa Deo Filikunjombe alivyoomba mhandisi huyo kupelekwa huko ili kubanwa zaidi na waziri mkuu Mizengo Pinda.

Kutokana na hali hiyo baadhi ya watumishi katika Halmashauri hiyo ya Ludewa wamempongeza naibu waziri huyo Mwanri kwa kufanya kweli tofauti na wengi walivyofikiri kuwa wenda kauli zake zilikuwa ni nguvu ya soda na hivyo kumpa pongezi kwa kuwa kiongozi mtendaji na mtekelezaji wa kauli zake.

Habari za uhakika kutoka Ludewa zinadai kuwa tayari mhandisi huyo Mtamila amepewa barua ya kushushwa cheo na kutakiwa kuondoka katika wilaya ya Ludewa na kwenda mkoani Rukwa ambako ni mkoa anaotoka waziri mkuu Mizengo Pinda.

Mtamila anadaiwa kushindwa kusimamia ujenzi wa miradi ya maendeleo katika wilaya ya Ludewa ikiwemo nyumba ya mganga wa kituo cha afya Lupanga ambayo mbali ya kutokamilika imeanza kubomoka ujenzi pia ujenzi wa nyumba zaidi ya 10 za watumishi uliotumia zaidi ya shilingi milioni 200 ila nyumba hizo kabla ya kuanza kutumika zimeanza kubomoka , ujenzi wa barabara kujengwa chini ya kiwango.

Hali hiyo ilimlazimu mbunge wa jimbo la Ludewa Deo Filikunjombe kumwomba naibu waziri wa Tamisemi Aggrey Mwanri kumwondoa mhandisi huyo Mtamila na mwenzake wa umwagiliaji katika wilaya hiyo Christopha Nyandiga kwa madai kuwa Ludewa hawatakiwi labda wapelekwe jimboni kwake Mwanri ama mkoa wa waziri mkuu Pinda ili kubanwa zaidi .
mbunge wa jimbo la Ludewa acharuka mbele ya naibu waziri amkataa mhandisi wa maji na mhadisi wa ujenzi ataka naibu waziri kuwapeleka jimboni Kwake ama jimbo la waziri mkuu Mizengo Pinda.

Mbunge Filikunjombe alimweleza naibu waziri huyo kuwa wilaya ya Ludewa imegeuzwa kuwa ni shamba la bibi kwa baadhi ya viongozi wasio waadilifu ambao wamekuwa wakitumia vibaya nafasi zao kwa kuhujumu miradi ya kimaendeleo inayoibuliwa katika wilaya hiyo.

Alisema kuwa kila wakati amekuwa akiwaonya watumishi wa wilaya ya Ludewa kufanya kazi yao kwa uadilifu ila baadhi yao wameshindwa kabisa kuonyesha uaminifu katika utendaji wa kazi yao.

“Viongozi wenzangu na madiwani wangu wapo walionifuata kutaka niwatetee kwa uozo huu ila nasema heri kulaumiwa kwa kusimamia ukweli na kupinga ufisadi unaofanyika katika wilaya ya Ludewa ila nipo tayari kuendelea kufanya kazi na viongozi waadilifu “

Alisema kuwa wahandisi hao wameendelea kuwa kikwazo kikubwa katika wilaya ya Ludewa na kuwa miradi mbali mbali inayosimamiwa katika wilaya hiyo imekuwa ni mibovu na haina sifa japo imetumia fedha nyingi zaidi .

Mapema asubuhi naibu waziri huyo alifanya ziara ya ghafla ambayo haikuwepo katika ratiba katika banio la mradi wa umwagiliaji wa Lifua ambalo umejengwa na kampuni ya Summer Communication kwa kiasi cha zaidi ya shilingi milioni 357 toka mwaka 2009/2010 bila kufanya kazi .

Kitoa taarifa ya mradi huo mbele ya naibu waziri Mhandisi wa maji wilaya ya Ludewa Nyandiga alisema kuwa awamu ya kwanza ilitumia kiasi cha shilingi milioni 357,262,990 na mradi huo kukabidhiwa kwa Halmashauri toka mwaka 2010 japo hautumiki kutokana na kuvujisha maji.

Wakati awamu ya pili mradi ulijengwa na kampuni ya Tan Direct Co.Ltd ya Dar es salaam kwa gharama ya shilingi milioni 227,613,136.15 kwa kazi ya kujenga mfereji wenye urefu wa mita 1725,usakafiaji wa eneo la kuingia na kutoka kwenye daraja hilo ,ujenzi wa vigawa maji vinne na ujenzi wa vianguko vya maji vinne na ujenzi wa kivusha maji kimoja na kuwa hadi sasa mkandarasi huyo amelipwa asilimia 64.9 ya fedha zote na kazi hiyo imefanyika kwa asilimia 73.2

Akimhoji mkandarasi huyo naibu waziri huyo Mwanri alimtaka kueleza sababu ya kulipa mamilioni ya fedha katika mradi huo bila kufanya kazi na hauna maji katika kipindi hiki cha masika ,mhandisi huyo alikana kuwa yeye si msanifu wa mradi huo hivyo hawezi kujibia swali hilo.

Akitoa majumuisho yake na maombi ya mbunge Filikunjombe ya kutaka wahandisi hao kuondolewa katika wilaya hiyo ya Ludewa naibu waziri huyo alisema suala hilo linawezekana kwani pia kwa upande wake hajapendezewa na ufisadi mkubwa uliofanyika katika miradi hiyo.

MAZAO YAANZA KUNYAUKA KWA JUA MAENEO YA RUAHA MBUYUNI KILOLO

2012-01-25T13:29:00.003+03:00

Baada ya mvua Kusimama bila kunyesha kwa Muda Kama wa wiki moja katika eneo la Tatars ya Mahenge wilaya ya kilolo mkoani Iringa kumeanza kuathiri mazao katika eneo la Ruaha mbuyuni baada ya Mahindi kuanza Kunyauka kwa kukosa mvua.

Hali hii iwapo itaendelea upo uwezekano wa wakulima wa maeneo hayo kwa mwakani kukumbwa na tatizo la chakula

NB.tumesimama hotel ya Star Com kitonga kwa chakula cha mchana baada ya dakika 5 kuanzia saa 7.37 hii mchana tutaanza safari ya Kupanda mlima wa kitonga na kuutafuta mji wa Iringa

NIMEPITA MOROGORO SASA MAJIRA YA SAA 3.57 ASUBUHI HII

2012-01-25T09:56:00.002+03:00

USAFI wa mji wa Morogoro KTK stendi kuu kwa asubuhi hii nimependezwa nao miji mingine yapaswa kuiga kiujumla mazingira ya stendi kuu ya Morogoro yanavutia

Hongereni watendaji wote wa mkoa wa Morogoro ,hayo ni maoni yangu mpitanjia Francis Godwin

TUMEUMBUKA,BASI LA ABIRIA BILA MIKANDA KTK SITI ASKARI WA USALAMA BARABARANI WA NINI?

2012-01-25T08:50:00.003+03:00

Kumbe basi la kisasa nililopanda Leo halina mikanda katika siti ?basi hili ambalo linafanya safari zake Kati ya Tanzania na Malawi ni la kisasa kweli kwa nje ila ndani hakuna siti ya ABIRIA yenye mkanda.

Asubuhi nikiwa katika stendi ya ubungo niitaka kufunga mkanda sikuona nikajua ni siti yangu pekee ila baada ya kufika mkoa wa Morogoro askari wa usalama barabarani ametufumbua baada ya kutaka abiria wote tufunge mikanda kila moja ametazama katika siti yake bila kuona mkanda.

Ila hakuna hatua zilizochukuliwa kwa basi kukosa mikanda.

Je tujiulise sasa mabasi ya abiria kuendelea kufanya safari bila kuwa na mikanda katika siti Kama kinga kwa abiria wakati wa ajali askari wa usalama barabarani wanatimiza wajibu wao?

UKIINGIA KUTOKA NI LAZIMA.......NIMEONDOKA ASUBUHI HII NA BASI PHINDU LUXURY KUREJEA IRINGA

2012-01-24T21:04:00.003+03:00

Basi la timu ya Azam FC Kama linavyoonekana pichani hii ni hatua kubwa na uongozi unapaswa kupongezwa pia ni changamoto kwa timu zetu zikiwemo zile za mikoa kuwa na usafiri Kama huu,ombi kwa wadau wa michezo mkoa wa IRINGA kujitokeza kuisaidia timu yetu ya polisi ambayo ipo kambini kwa zaidi ya mwezi mmoja sasa huku mfukoni ikiwa Haina chochote iwapo umeguswa kuchangia waweze wasiliana na mmiliki wa mtandao huu kwa namba 0754 026299/0712750199

Ama waweze wasiliana na katibu wa Chama cha soka mkoa wa IRINGA Eliud Mvella Wamahanji kwa simu 0715543266 ama msemaji wa timu hiyo Dr.ALLY NGALLA 0718227223 kumbuka wale wote watakao saidia michango yao itawekwa wazi ktk mtandao huu pamoja na kutumiwa Barua ya pongezi na Chama cha soka mkoa wa IRINGA .

Mchanganua sahihi wa mahitaji ya timu ya polisi IRINGA utayasoma KTK mtandao huu ijumaa wiki hii japo kwa sasa ili timu hiyo inayojiandaa Kupanda daraja na mwakani kucheza ligi kuu ya voda com inahitaji zaidi ya TSH.milioni 10 waweze mdau unaombwa kuchangia pesa,maji,chakula n.k ili kuisaidia timu ya polisi IRINGA Kupanda daraja .

Nb.wadau nimemaliza shughuli yangu maalum jijini Dar katika ofisi ya waziri wa Uchukuzi Kwa sasa nimeondoka saa 12.20 stendi ya ubungo jijini Dar kurudi kituo changu cha kazi mkoani IRINGA na basi PHINDU luxury linalofanya safari zake Kati ya Malawi na Tanzania
Tuombeane heri

MAKAMU WA RAIS DKT BILAL AANZA ZIARA YA MKOA WA TANGA LEO, AKAGUA UKUTA WA KUZUIA MAJI YA BAHARI , AZINDUA OFISI YA IDARA YA MAJI, PANGANI

2012-01-24T20:55:00.001+03:00

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akiangalia ukuta unaozuia maji ya Bahari eneo la Pangani Kivukoni, unaozidi kubomoka kutokana na kujengwa miaka 100 iliyopita na kutishia amani kwa wakazi wa maeneo hayo. Makamu wa Rais ameanza ziara yake ya Mkoa wa Tanga leo
Makamu Wa Rais wa Jamhuri ya Muungano wa Tanzania, Dkt. Mohammed Gharib Bilal, akikata utepe kuzindua rasmi Jengo la Ofisi ya Idara ya Maji, lililopo Wilaya ya Pangani, wakati alipoanza ziara yake ya Mkoa wa Tanga leo, Januari 24, 2012. Kulia ni Mkuu wa Mkoa wa Tanga, Chiku Galawa (kushoto) ni Mkurugenzi wa Maji wa wilaya hiyo, Mohamed Hamis. Picha na Muhidin Sufiani-OMR

LIGI KUU VODACOM KUWANIA UBINGWA WA BARA

2012-01-24T20:45:00.002+03:00

Boniface Wambura

Mzunguko wa 14 wa Ligi Kuu ya Vodacom unamalizika kesho (Januari 25 mwaka huu) kwa mechi mbili zitakazochezwa kwenye viwanja tofauti jijini Dar es Salaam.

Simba itakuwa mwenyeji wa Coastal Union kwenye Uwanja wa Taifa, Dar es Salaam. Viingilio vitakuwa sh. 3,000 kwa viti vya bluu na kijani, sh. 5,000 kwa viti vya rangi ya chungwa, sh. 10,000 kwa VIP B na C, sh. 15,000 kwa VIP A.

Nayo Azam itakuwa mgeni wa African Lyon katika mechi namba 97 itakayochezwa Uwanja wa Chamazi. Viingilio katika mechi hiyo ni sh. 10,000 kwa Jukwaa Kuu na sh. 3,000 mzunguko.

YANGA YATAKIWA KUMLIPA NJOROGE SH. MILIONI 17

Shirikisho la Kimataifa la Mpira wa Miguu (FIFA) kupitia kitengo chake cha utatuzi wa migogoro (Dispute Resolution Chamber- DRC) limeagiza klabu ya Yanga kumlipa mchezaji John Njoroge sh. 17,159,800 ikiwa ni fidia kwa kuvunja mkataba wake kinyume cha taratibu.

Uamuzi huo wa DRC chini ya Jaji Theo van Seggelen ambaye ni raia wa Uholanzi ulifanywa Desemba 7 mwaka jana jijini Zurich, Uswisi na kutumwa TFF kwa njia ya DHL, Januari 17 mwaka huu.

Njoroge ambaye ni raia wa Kenya aliwasilisha kesi yake FIFA kupinga Yanga kuvunja mkataba alioingia wa kuichezea timu yao kinyume na makubaliano. Mchezaji huyo hivi sasa anachezea timu ya Tusker ambayo ni mabingwa wa Kenya.

Yanga ina siku nne za kukata rufani kupinga uamuzi huo kuanzia tarehe iliyoupokea kama inataka kufanya hivyo. Klabu hiyo inatakiwa iwe imeshamlipa Njoroge ndani ya siku 30 tangu ilipopokea uamuzi huo. Ikishindwa kulipa ndani ya muda huo, itatozwa riba ya asilimia 5 kwa mwaka ya fedha hizo.

Ikiwa Yanga itashindwa kulipa ndani ya muda huo vilevile suala hilo litafikishwa mbele ya Kamati ya Nidhamu ya FIFA kwa hatua zaidi.

Boniface Wambura

Ofisa Habari

Shirikisho la Mpira wa Miguu Tanzania (TFF)

VIINGILIO MECHI YA TWIGA STARS, NAMIBIA

2012-01-24T20:43:00.001+03:00

Kiingilio cha chini kwa mechi ya kufuzu kwa fainali za Afrika kwa Wanawake (AWC) kati ya Twiga Stars na Namibia itakayochezwa Jumapili (Januari 29 mwaka huu) Uwanja wa Taifa, Dar es Salaam kitakuwa sh. 2,000.

Kiwango hicho ni kwa washabiki kwa viti vya bluu na kijani. Viti hivyo kwa pamoja vinachukua jumla ya watazamaji 36,693 kwenye uwanja huo wenye uwezo wa kuchukua washabiki 60,000.

Pia kutakuwa na kiingilio cha watoto wenye umri wa chini ya miaka 10 ambacho ni sh. 1,000. Watoto watakaotumia tiketi hizo wanatakiwa kuingia uwanjani wakiwa na wazazi au walezi wao.

Viingilio vingine kwa mechi hiyo ni sh. 3,000 kwa viti vya rangi ya chungwa, sh. 5,000 kwa VIP B na C n ash. 10,000 kwa VIP A.

Namibia inatarajia kuwasili nchini Ijumaa (Januari 27 mwaka huu) saa 12.45 jioni kwa ndege ya South Africa Airways.

Boniface Wambura
Ofisa Habari
Shirikisho la Mpira wa Miguu Tanzania (TFF)

MAREKEBISHO YA RATIBA LIGI KUU YA VODACOM

2012-01-24T20:41:00.000+03:00

Kamati ya Ligi ya Shirikisho la Mpira wa Miguu Tanzania (TFF) imefanya marekebisho madogo kwenye ratiba ya Ligi Kuu ya Vodacom kutokana na Uwanja wa CCM Kirumba jijini Mwanza kutumika kwa sherehe za kitaifa za kuzaliwa Chama Cha Mapinduzi (CCM).

Mechi namba 111 kati ya Toto Africans na African Lyon ambayo kwa mujibu wa ratiba ilikuwa ichezwe Februari 5 mwaka huu Uwanja wa CCM Kirumba jijini Mwanza sasa itachezwa Aprili 18 mwaka huu.

Mabadiliko hayo yamefanyika baada ya wamiliki wa Uwanja wa CCM Kirumba, Chama Cha Mapinduzi (CCM) kueleza kuwa watautumia kwa sherehe za kuzaliwa chama chao, hivyo hautakuwa na nafasi kwa Februari 4, 5 na 6 mwaka huu.

Uamuzi huo umesababisha pia mabadiliko kwa mechi nyingine mbili. Mechi namba 168 kati ya Villa Squad na African Lyon iliyokuwa ichezwe Aprili 18 mwaka huu Uwanja wa Chamazi jijini Dar es Salaam, sasa itachezwa Aprili 22 mwaka huu.

Pia mechi namba 170 kati ya Azam na Toto Africans iliyokuwa ichezwe Aprili 29 mwaka huu jijini Dar es Salaam sasa imerudishwa nyuma hadi Aprili 26 mwaka huu ambayo ni Sikukuu ya Muungano.

VIINGILIO MECHI YA TWIGA STARS, NAMIBIA
Kiingilio cha chini kwa mechi ya kufuzu kwa fainali za Afrika kwa Wanawake (AWC) kati ya Twiga Stars na Namibia itakayochezwa Jumapili (Januari 29 mwaka huu) Uwanja wa Taifa, Dar es Salaam kitakuwa sh. 2,000.

Kiwango hicho ni kwa washabiki kwa viti vya bluu na kijani. Viti hivyo kwa pamoja vinachukua jumla ya watazamaji 36,693 kwenye uwanja huo wenye uwezo wa kuchukua washabiki 60,000.

Pia kutakuwa na kiingilio cha watoto wenye umri wa chini ya miaka 10 ambacho ni sh. 1,000. Watoto watakaotumia tiketi hizo wanatakiwa kuingia uwanjani wakiwa na wazazi au walezi wao.

Viingilio vingine kwa mechi hiyo ni sh. 3,000 kwa viti vya rangi ya chungwa, sh. 5,000 kwa VIP B na C n ash. 10,000 kwa VIP A.

Namibia inatarajia kuwasili nchini Ijumaa (Januari 27 mwaka huu) saa 12.45 jioni kwa ndege ya South Africa Airways.
Boniface Wambura
Ofisa Habari
Shirikisho la Mpira wa Miguu Tanzania (TFF)

NIMETUA DAR TAYARI KWA KUFUATILIA AHADI YA WIZARA YA UCHUKUZI DHIDI YA MADEREVA WA MALORI

2012-01-24T14:56:00.003+03:00

Nimetua Jijini Dar es Salaam mchana huu na kutinga ofisi ya waziri wa Uchukuzi ili kufuatilia kwa karibu Ahadi ya wizara hiyo kwa madereva wa Malori Kama njia ya kuepusha migomo ya Mara kwa Mara kwa madereva.

Hii ni ziara maalum kwangu kwa ajili ya kujua msimamo wa serikali katika kutimiza ahadi zake.

Majibu yatakayotolewa utayapata katika mtandao huu vuta subira

NIMEPITA MOROGORO SAA 4 ASUBUHI HII SIJAPENDEZWA NA UTARATIBU WA UCHIMBAJI DAWA VICHAKANI

2012-01-24T10:45:00.002+03:00

UTARATIBU huu wa mabasi ya abiria kusimama Porini ili abiria waweze kuchimba dawa binafsi sijaupenda Kabisa Kwani katika mabasi watu husafiri na wakwe zao ama watoto zao sasa huu utamaduni wa Makondakta kusema dakika 5 zakuchimba dawa na kuelekeza Wanaume huku na Wanawake Kule bila kujali katika basi kuna watu na wakwe zao na watu na watoto zao nasema sipendi kuona.

Pia nauliza serikali ya mkoa wa Morogoro kuruhusu wafanyabiashara ya nyama choma na chakula kufanyabiashara eneo la Sokol la miwa barabara kuu ya Morogoro - IRINGA bila kuweka kuweka maji japo kuna Vyoo vipya eneo hilo ni kukaribisha ugonjwa wa kipindupindu kwa wasafiri? Nasema kuu wa mkoa wa Morpgoro na wakuu wa wilaya pamoja na mabwana afya spendi Kabisa tabia hiyo

Mwisho nawaomba viongozi zingatieni uhifadhi na utunzaji wa mazingira acheni kuruhusu mazingira kuchafuliwa ovyo na madereva na wachimba dawa wao.

Ni ushauri wangu mpita njia Francis Godwin

SAFARI NI SAFARI BORA KUFIKA............

2012-01-24T09:45:00.002+03:00

NASHUKURU wadau kwa kutaka kujua safari Yangu ya kuelekea D,Salaam imefikia wapi kwa sasa nipo katika basi la Bugget Mover's Co .Ltd naitafuta Morogoro sasa baada ya Jana kukwama njiani maeneo ya Mikumi matarajio yang mchana wa Leo kupata chakula cha mchana jijini D,lasaam tundelee kuombeana heri.

Imetolewa na Francis Godwin mmiliki wa mtandao huu wa www.francisgodwin.bloodspot.com

MWANRI ASITISHA ZIARA IRINGA,HALMASHAURI ZAVUTA PUMZI

2012-01-24T06:21:00.003+03:00

HATUA ya naibu waziri wa TAMISEMI Mhe.Aggrey Mwanri kusitisha ziara yake ya kukagua miradi ya maendeleo katika Halmashauri za IRINGA mjini, IRINGA vijijini na kilolo imekuwa heri kwa watendaji wa Halmashauri hizo ambao baadhi yao matumbo yalikuwa joto wakati wote wakihofu ujio huo wenye kufichua. Utendaji mbovu katika maeneo yao.

Mtandao huu wa www.francisgodwin.bloodspot.com umebaini Hali hiyo na baadhi ya Halmashauri zilivyofanya kazi usiku na mchana kuziba kasoro zilizokuwepo katika miradi iliyochakachuliwa baada ya kufuatilia katika Halmashauri nyingine alizopita Mwanri na kuibua uchafu katika miradi ya ujenzi.

Mwanri amelazimika kusitisha ziara hiyo Jana na asubuhi ya Leo kuondoka mkoani IRINGA baada ya kupatwa na matatizo ya kufiwa na ndugu yake nyumbani kwake Siha mkoani Kilimanjaro ,japo ziara hiyo ameweka kiporo atakuja kuifanya katika maeneo hayo yaliyosalia pamoja na kufanya majumuisho kwa mkoa mzima majumuisho ambayo yalipaswa kufanyika Januari 28 mwaka huu.

INAELEWEKA ?....NIMEONDOKA KUELEKEA JIJINI D,SALAAM

2012-01-23T22:22:00.002+03:00

MAMA BALOZI UK JOYCE KALLAGHE AWAKARIBISHA WAHESHIMIWA WABUNGE WANAWAKE CHAKULA CHA JIONI NYUMBANI KWAKE

2012-01-23T21:59:00.001+03:00

Wageni hao 12 wakiwemo Wabunge 11 na Afisa wa Bunge 1 waliotokea nyumbani Tanzania na kuja UK kwa Mualiko wa Commonwealth parliamentarians Group (CPA) walikaribisha chakula cha jioni na Mama Joyce Kallaghe Mke wa Balozi wa Uingereza akiwa na Viongozi wa Chama cha TA na TAWA nyumbani kwake Tanzania hao

Wabunge hao 11 wote wanawake na ambao miongoni mwao ni Viongozi wa wajumbe wa Tanzania Women Parliamentarians Group (TWPG) ,waliongozwa na Mwenyekiti wa TWPG Mheshimiwa Mama Anna Abdalla MP, na wakiwemo Mh.Susan Lyimo MP, Mh. Magdalena h. Sakaya (MP) , Mh. Angela Kairuki (MP), Mh. Esther matiko (MP, Mh. Beatrice Shelukindo (MP), Mh. Riziki Omari Juma (MP), Mh. Namalek Sokoine (MP), Mh . Faharia Hamisi (MP) ,Mh. Al-Shaymaa J. Kwegyir (MP), Mh. Agripina Z Buyogera (MP) na Afisa wa Bunge Mrs Justina Shauri.

Wageni walikaribishwa na Balozi Mheshimiwa Peter Kallaghe na Mama Balozi Joyce Kallaghe , Mheshimiwa Balozi aliongea machache ya Ukaribisho na kumpa nafasi Mh.Mama Anna Abdalla ambae alishukuru kwa mualiko huo na kuelezea kuhusu Umoja wa Wabunge Wanawake (TWPG) ambao kila Mbunge Mwanamke wa Bunge la Tanzania ni mwanachama wake na jinsi gani TWPG inavyofanya kazi kwa pamoja bila ya kujali itikadi za vyama vya kisiasa vya Waheshimiwa hao. Usiku huo iliweza dhihirika kwa jinsi waheshiwa hao walivyokuja kujitambulisha kila mmoja alisimama na kujitambulisha na walilotilia msingi katika utambulisho wao ni kamati zao tofauti za Bunge ambazo wanahusika nazo na kuwa wnachama wa kikundi cha TWPG. Wageni waliokuwa pale walishuhudia zaidi ya nusu ya hawa wabunge waliongia na furaha bila ya kujali kuwa bado wana uchovu wa safari kutoka nyumbani wakisahau kutaja vyama vyao vya kisiasa. Mheshimiwa Mama Anna Abdalla alisisitiza kwamba ingawa vyama vya siasa ndio vilivyowapeleka wote bungeni lakini wakishaingia katika Bunge la Jamhuri ya Muungano ,wanawake bungeni hawaangalii vyama vyao vya siasa bali huwa wakiwa Bungeni kabla ya sera yeyote kupita Wanawake huwa wote kwa Umoja wanaangalia hii itamnufaisha vipi Mwanamke na Mtoto wa Kitanzania.

Maneno haya ya Mheshimiwa Mama Abdalla yalidhihirishwa na jinsi Waheshiwa wote walipokaa katika meza moja na kuongea na kucheka kwa pamoja na kwa furaha huku wakila chakula kitamu cha jioni bila ya kujali pale kwenye ile meza kuna CCM, NCCR, CUF wala CHADEMA. Kitendo hiki kiliwavutia sana viongozi wa wanawake London ambao walikuwepo katika shuguli hii Bi. Nelly Msemwa (TA Taifa Deputy chair anaeshughulikia mambo ya wanwake ),Bi. Mariam Kilumanga(TAWA Chair ), BI Mariam Mungula (TAWA Secretary) , Bi Rose Kiondo (Afisa Ubalozi) na Bi Jestina George (TA London na Blogger), kiasi ambacho walipopewa nafasi ya kuongeza machache walimpa nafasi hii Bi Mariam Mungula ambae aliwashukuru sana Waheshimiwa Wabunge wa kitendo hicho na somo walilompa la kuwa hata Wakiwa Bungeni yeye akifikiri hakuna mashirikiano kati ya vyama tofauti kumbe sivyo kabisa wakiwa ndani na nje ya Bunge wanaweka wote ni kitu kimoja. BI Mariam Mungula vilevile alielezea kaazi za kikundi wa kina mama cha hapa UK ambacho yeye ni mmjoa wa viongozi wake Tanzania Women Association (TAWA) na kumalizia kwa kuwaomba waheshimiwa wabunge kupitia TWPG wasihau kuwa kuna wanawake wengine wa kitanzania hata kama ni nje ya nchi na ambao wako tayari kushirikiana nao kwa lolote katika kumuendeleza MWanamke wa KItanzania.

Kikundi hichi cha Waheshimwa kimekuja Uingereza kwa Mualiko wa CPA kwa siku chache katika majukumu yao ya kila siku ya kumpingania Mtanzania.

Mungu Ibariki Tanzania.

Picha na Habari Jestina George

Jestina George

Owner & Founder - Jestina George

Telephone: +447404332910

Website: www.missjestinageorge.blogspot.com

Twitter: https://twitter.com/jestinageorge

Facebook: JestinaGeorge

BEFFTA Award winner blog of the year 2011

MWANRI AFUNGUA UKUMBI WA KISASA WA HALMASHAURI YA MUFINDI

2012-01-23T14:50:00.004+03:00

Naibu waziri wa Tamisemi mhe.Aggrey Mwanri akitazama ukumbi wa mikutano wa Halmashauri ya Mufindi baada ya kuuzindua leo mchana
Bw Nkwera kulia akisoma taarifa ya ukumbi huo wa kisasa kwa naibu waziri wa Tamkisemi Aggrey Mwanri
naibu waziri Mwanri akiufungua rasmi ukumbi huo wa kisasa
mwonekano wa ukumbi huo kwa ndani

Mbunge wa jimbo la Mufindi kaskazin Mahamudu Mgimwa kulia akiongoza viongozi na wananchi kutazama ukumbi huo

WABUNGE WAJITOLEA KUICHANGIA TWIGA STARS

2012-01-23T14:29:00.002+03:00

Wabunge wa Bunge la Jamhuri ya Muungano wa Tanzania kupitia timu ya Bunge wameomba kucheza mechi maalumu dhidi ya Twiga Stars kabla ya kuwasilisha mchango wao kwa timu hiyo.

Benchi la Ufundi la Twiga Stars kupitia Shirikisho la Mpira wa Miguu Tanzania (TFF) limekubali kucheza mechi hiyo ambayo itakuwa ni ya maonesho tu ambapo baada ya kumalizika ndipo Wabunge watakabidhi kile walichopanga kutoa kwa timu.

Mechi hiyo itafanyika Alhamisi (Januari 26 mwaka huu) kwenye Uwanja wa Kumbukumbu ya Karume uliopo Ofisi za TFF kuanzia saa 10 kamili jioni.

Twiga Stars na Namibia zitapambana Jumapili (Januari 29 mwaka huu) kwenye Uwanja wa Taifa, Dar es Salaam ikiwa ni mechi ya marudiano kuwania tiketi ya kufuzu kwa fainali za Afrika kwa Wanawake (AWC) zitakazofanyika Novemba mwaka huu nchini Equatorial Guinea.

GHARAMA ZA UWANJA- TWIGA STARS VS NAMIBIA
TFF imeiandikia Serikali kupitia Wizara ya Habari, Vijana, Utamaduni na Michezo kuomba iondoe gharama za kutumia Uwanja wa Taifa ambazo ni fixed kwenye mechi kati ya Twiga Stars na Namibia.

Lengo la maombi hayo ni kusaidia kupunguza gharama za kuandaa mechi hiyo ambayo bajeti nzima ni sh . 74,660,000. Hiyo inajumuisha usafiri, posho kwa wachezaji, posho kwa benchi la ufundi, gharama za kambi, dawa na maji ya kunywa wakati wa mazoezi na mechi kwa Twiga Stars. Maeneo mengine ni usafiri wa ndege, usafiri wa ndani (magari mawili), posho na hoteli kwa kamishna na waamuzi.

Nyingine ni gharama za timu ya Namibia itakayokuwa na watu 25 ambazo ni usafiri wa ndani (magari matatu), hoteli (malazi na chakula) na maji ya kunywa wakati wa mazoezi na mechi.

Gharama ambazo ni fixed kwa matumizi ya Uwanja wa Taifa ni pamoja na usafi na ulinzi, umeme, maandalizi ya sehemu ya kuchezea, malipo kwa kampuni ya Wachina na asilimia kumi ya mapato.

Boniface Wambura
Ofisa Habari
Shirikisho la Mpira wa Miguu Tanzania (TFF)

MWANRI APONGEZA HALMASHAURI YA MUFINDI KWA MRADI MZURI WA UMWAGILIAJI,AWATIMU MAOFISINI MAOFISA UGANI

2012-01-23T03:22:00.007+03:00

Naibu waziri wa Tamisemi na mbunge wa jimbo la Siha Mhe.Aggrey Mwanri katikati akisifia mradi wa umwagiliaji Mgololo Mufindi baada ya kutembelea na kushuhudia ubora wake ,kushoto ni mhandisi wa umwagiliaji Mufindi Bw Nnko na kulia ni mkurugenzi mtendaji wa Halmashauri hiyo ya Mufindi Bw.Limbakisye Shimwela wakimsikiliza kwa makini
Mwanri na viongozi mbali mbali wa wilaya na mkoa wakitazama kazi nzuri ya ujenzi wa mfereji wa umwagiliaji Mufindi
Mwanahabari maarufu nchini wa TBC 1 Richard Leoh aliyetangulia akiwa na Bw.Nyoni kutoka ofisi ya mkuu wa mkoa wa Iringa
Mhe.Mwanri wa pili akiongozwa na katibu wa CCM Mufindi kutembelea mradi huo
Mhandisi wa umwagiliaji wilaya ya Mufindi Bw.Nnko wa pili kulia akimwekeza naibu waziri wa Tamisemi jinsi ambavyo kazi hiyo nzuri ilivyofanikiwa katikia mradi huo
Mwanahabari wa gazeti la uhuru na mzalendo mkoa wa Iringa Anita Boma akitembea kando ya mfereji huo

NAIBU waziri ofisi ya waziri mkuu tawala za mikoa na serikali za mitaa (TAMISEMI) Agrrey Mwanri amepongeza kazi nzuri ya ujenzi wa mfereji wa umwagiliaji Mgololo wilaya ya Mufindi mkoani Iringa mradi uliojengwa kwa kiasi cha zaidi ya shillingi bilioni moja na kuagiza maofisi ugani katika Halmashauri hiyo na Halmashauri nyingine za mkoa wa Iringa kutoka maofisini na Kwenda mashambani kusaidia

Katika ziara yake ya kukagua miradi ya maendeleo katika Halmashauri ya wilaya ya Mufindi jana ,Mwanri alisema kuwa Amevutiwa na kazi nzuri ya usimamizi wa fedha za miradi ya maendeleo katika Halmashauri hiyo ya Mufindi na kuwa baadhi ya Halmashauri za mkoa wa Iringa wakurugenzi wake na wahandisi wa miradi ya ujenzi na maji Kama wilaya ya Ludewa wameshindwa Kabisa kuwajibika katika kusimamia fedha za serikali na wahisani katika miradi hiyo.

Hivyo alisema kuwa Wizara yake haitawafumbia macho watendaji wabovu wanaoshindwa kusimamia miradi hiyo ya maendeleo na kuwa katika ziara yake Halmashauri ya wilaya ya Mufindi imeonyesha kuwa ni Halmashauri ya mfano kwa kuwa na mradi mzuri wa umwagiliaji ambao bado kukamilika ila ni mradi wenye Sita zote za kuitwa mradi wa umwagiliaji.

Mwanri alisema kuwa pamoja na kuwa mradi huo bado kukamilika ila amelazimika kuruhusu uongozi wa Halmashauri ya wilaya ya Mufindi kupitia mkurugenzi wake Shimwela Limbakisye na mhandisi wa mradi huo Awariywa Nnko kuwaruhusu wananchi kuanza kuutumia mradi huo wakati jitihada za kuukamilisha zikiendelea

"Ndugu zingu viongozi wa wilaya ya Mufindi na mkuu wa wilaya ya Mufindi Evarita Kalalu naomba kuwapongeza
San a kwa kazi nzuri mliyoifanya katika kusimamia miradi ya maendeleo katika Halmashauri yenu ....naomba kazi hii mzidi kuifanya kwa nguvu Kama hizi ili kuwawezesha wananchi kujikwamua kiuchumi zaidi"

Katika hatua nyingine Mwanri aliwataka wananchi wa Mgololo na wakazi wa wilaya ya Mufindi kuendelea kuutumia miradi hiyo kwa kuboresha maisha yao na kuwa serikali ya Rais Jakaya Kikwete imeendelea kuboresha maisha ya watanzania kwa kuanzisha kusogeza maendeleo mbali mbali kwa wananchi wake.

Alisema kuwa wapo baadhi ya watu ambao wanaendelea kupinga kazi nzuri inayofanywa na serikali ya Rais Kikwete na kuwa wananchi wasikubali kudanganywa na wapinga maendeleo hao Kwani hawataki kuona serikali ikiwasaidia wananchi wake ili wapate kuichafua serikali.

Akizungumzia maofisi agani katika Halmashauri ambao wamekuwa wakishinda maofisini walipata kiyoyozi na kuvaa suti badala ya Kwenda mashambani kwa wakulima kuwasaidia kujua na kulima kwa kuzingatia taratibu bora za kilimo.

Hivyo aliagiza kuanzia sasa Maofisa hao wanaowajibika kwa wakulima na wafugaji kutoka ofisini na Kwenda kuwajibika kwa wakulima na wafugaji katika vijiji badala ya kushinda mijini na ofisini wakishindana kuvaa suti.

Kwa upande wake mhandisi mradi wa umwagiliaji katika Halmashauri ya wilaya ya Mufindi Bw.Nnko alimweleza naibu waziri huyo kuwa mradi huo wa umwagiliaji Mgololo una zaidi ya heat 1,000 ambazo zitanufaisha kay a 1,808 zanye wakazi 7,693.

Alisema kuwa kazi ya ujenzi wa mfereji huo wa umwagiliaji inafanywa na mkandarasi Boimanda Modern construction co.Ltd ya mkoani Iringa chino ya mkurugenzi wake Nicholaus Mgaya na kuwa kiasi cha zaidi ya shillingi bilioni 1.4 zitatumika kukamilisha mradi huo.

Nnko alisema kuwa baada ya mradi huo kukamilika hekta 700 zitalimwa na kumwangiliwa hivyo kufanya wananchi zaidi ya 7693 wa vijiji vya Lugorofu na Makungu kufaidika na mradi huo na kuwa mazao yatakayolimwa katika mradi huo ni mpunga ,Mahindi ,maharage na bustani za mboga mboga.

GAZETI LAKO LA KWANZA JAMII IRINGA JUMATANO HII LINAKUJA NA KALI ZAIDI USIPITWE

2012-01-23T03:13:00.003+03:00

Linapatikana mkoa mzima wa Iringa Iringa mjini na vijijini kwa bei ya shilingi 400 pekee changia maendeleo ya mkoa wako kwa kununua kwanza gazeti la kizalendo la Kwanza jamii Iringa lililoshehena habari na makala moto moto

BREAKINGNEWSsssssMWANRI AMPIGA STOP MKANDARASI MAKETE ,MHANDISI AANGUA KILIO

2012-01-23T02:48:00.002+03:00

NAIBU waziri wa nchi ofisi ya waziri mkuu anayeshuhulika na Tawala za mikoa na serikali za mitaa Mhe.Aggrey Mwanri amempiga ‘stop ‘ mkanadarasi Rom Construction wa mkoani Mbeya kuendelea na ujenzi wa barabara ya Bulongwa –Luvumbu wilayani Makete mkoani Iringa yenye urefu wa kilometa 15 iliyojengwa kwa kiasi cha zaidi ya shilingi milioni 24 huku ujenzi wake ukiwa ni ujenzi holela ulio chini ya kiwango ambao mkandarasi huyo kaufanya .

Kutokana na kusimamishwa kwa kampuni hiyo ya kikandarasi katika wilaya ya Makete mhandisi wa wilaya ya Ludewa aliyetoa tenda kwa kampuni hiyo Samweli Ndoveni alishindwa kujizuia kutokwa na machozi mbele ya naibu waziri huyo kuhofia usalama wa ajira yake .

Mwanri ambae ni mbunge wa jimbo la Siha mkoani Kilimanjaro alitoa agizo hiloi alipokuwa Wilaya ya Makete katika mwendelezo wake wa kukagua miradi ya Halmashauri za mkoa wa Iringa 24.

Sanjari na kusimamishwa kwa mkandarasi huyo pia alimtaka mkandarasi huyo Rom Construction kurudia ujenzi wa barabara hiyo kwa awamu ya pili kwa gharama zake baada ya msimu wa mvua kuisha ama kurudishe nusu ya fedha alizolipwa kwa kazi hiyo katika Halmashauri ya wilaya ya Makete .

Kusimamishwa kwa mkandarasi wa barabara hiyo ROM CONSTRUCTION ya mkoani MBEYA ni mwendelezo wa Zoezi la kubaini vitendo vya ubadhilifu katika miradi ya maendeleo inayogharamiwa na serikali na wahisani na ndipo ujenzi wa barabara hiyo ulipobainika kuwa na mapungufu mengi kama ya kukosekana kwa Ubao unaoonyesha mkandarasi, kutokuwepo makalavati ,mkondo wa maji,upana usieleweka na ujenzi ulio chini ya kiwango.

Naibu Waziri huyo alisema kuwa hajaridhika na ujenzi wa barabara hiyo ambao haendane na thamani ya fedha zilizotumika kutoka na kuwa mkandarasi amejenga kutokana na utashi wake kwa kuwa hakukuwa na msimamizi ambaye angemweelekeza kutokana na mahitaji ya Halmashauri.

“Wewe Mhandisi kibao kikowapi hapa na taratibu za ujenzi zinasemaje si zinasema lazima kuwepo na kibao kinaonyesha mkandarasi, makalavati hakuna alafu mimi sioni upana ( BOQ ) hapa,haya angalia tayari barabara imeshakuwa na makorongo kwa nini haina mkondo wa maji,alafu unasingizia mvua imeharibu,kiwango kikowapi hapa hata kama mvua isingekuwepo bado barabara hii ingekuwa na tatizo”,alisema

Alisema haiwezekaani mkandarasi aliyepewa maagizo na usimamizi wa kutosha angeanza kwa kujenga makalavati alafu ndio amwage mawe “haiwezekani aweke mawe alafu makalavati we mhandisi inakuingia akilini alafu unasema eti kifusi bado ameweka mawe tu si baada ya kumaaliza kuweka hayo mawe itambidi atindue ili awe makalvati wewe huoni kama ni hasaara hiyo?”.

Kutokana na kukerwa kutokana na ujenzi wa barabara hiyo Naibu Waziri alimtaka mhandisi wa wilaya hiyo Samweli Ndoveni kumsimamisha mkandarasi huyo na baada ya mvua arudie ujenzi kwa gharama zake au arudishe fedha alikwisha lipwa na atafutwe mkandarasi mwingine atakaye fanya kazi ya kueleweka.

“atakapo rudia ujenzi wa barabarab hiyo Halmashauri hakikisheni mkandarasi wenu anaweka kibao ,aanze na Makalavati, upana ( BOQ ) uwepo kuanzia mwanzo hadi mwisho asiwe chini ya kiwango tena”alisema .

Naibu Waziri ameutaka uongozi wa mkoa kuiandikia barua Halmashauri imechukua hatua kali na kumsimamisha mkandarasi huyo na pia mkoa utoe wataalam wake kutoka mkoani kufanya uchunguzi maalum na kujiridhisha endapo matumizi ya fedha yanaendana na thamani halisi ya matengenezo yaliyofanywa.

Kwa upande wake Mhandisi analazimika kutoa ufafanuzi wa mradi huo,alisema kuwa kifusi bado hakijawekwa na kuwa barabara hiyo walikubaliana na mkandarasi aweke upana mita 6 lakini pia alijitetea kuwa maakaravati yatawekwa baadae kwani sasa ni mwanzo na kuharibika kwa barabara hiyo ni mvua zinazoendelea kunyesha .

Aidha mhandisi huyo alimthibitia Naibu Waziri kwamba amemlipa mkandarasi fedha nusu na milioni 14 iliyobaki atalipwa mpaka kazi itakapo kwisha tofauti na maneno ya watu kuwa tayari wamemnalizana na mjenzi huyo.

MARUFUKU WAKUU WA SHULE KUSUMBUA WANAFUNZI KWA MICHANGO WALA KUTOA FOMU ZA KUJIUNGA NA SEKONDARI-MWANRI

2012-01-23T02:32:00.004+03:00

Naibu waziri wa Tamisemi Aggrey Mwanri akiwahutubia wananchi wa kijiji cha Lugorofu kata ya Makungu wilaya ya Mufindi
Wananchi wa kijiji cha Lugorofu wakimsikiliza naibu waziri wa Tamisemi

NAIBU waziri ofisi ya waziri mkuu serikali za mitaa na tawala za mkoa (TAMISEMI) Aggrey Mwanri amepiga marufuku walimu wakuu wa shule za sekondari nchini kuwageuza wazazi ni mtaji Kwao kwa kuwaagiza majembe na vitu mbali mbali wakati wa kujiunga na Elimu ya sekondari na kuwa ili kuondoa usumbufu kwa wazazi kuanzia sasa fomu zote zitatolewa na wizara ya Elimu kupitia ofisi za Elimu mkoa .

Hatua ya naibu waziri huyo kupiga marufuku wakuu hao wa shule za sekondari kutoa fomu hizo kwa wanafunzi ni kutokana na malalamiko ya wazazi nchini kutokana na baadhi ya shule kila mwaka kuwaagiza wanafunzi wanapokwenda kujiunga na Elimu ya sekondari Kwenda na vifaa mbali mbali yakiwemo majembe na michango mbali mbali isiiyo na tija katika mkakati wa serikali katika kuboresha Elimu nchini.

Akiwahutubia wananchi wa kijiji cha Lugorofu Mgololo wilaya ya Mufindi mkoani Iringa na kuwa sababu ya serikali kupiga marufuku wakuu hao wa shule kutoa fomu za wanafunzi kujiunga na Elimu ya sekondari ni kutaka kupunguza malalamiko ya wazazi nchini kutokana na tabia ya wakuu hao wa shule za sekondari kugeuza majembe na vifaa vingine wanavyowaagiza watoto hao kuwa ni sehemu ya miradi Kwao.
"Tumeagiza kuanzia sasa marufuku wakuu wa shule kuwaandikia fomu wananfunzi wanaojiunga na Elimu ya sekondari na badala yake fomu zote zitatolewa na wizara ya Elimu kupitia ofisi za afisa Elimu mkoa husika"

Pia aliomba marufuku walimu kuwafukuza wanafunzi wa shule za Msingi na sekondari kwa kushindwa kuwasilisha michango mbali mbali kwa wakati na kutaka wanafunzi kuachwa wasome na suala la michango wa kusumbuliwa wawe ni wazazi badala ya wanafunzi na kuonya walimu watakaobainika kurudisha nyumbani wanafunzi kwa kukosa kutoa michango watawajibishwa wao.

Mwanri alisema kuwa wazazi wanaowajibu wa kuendelea kuchangia Elimu kwa utaratibu mzuri uliowekwa na Kamari za shule bila kuwasumbua watoto wakati wa Masomo .

Alisema upo utaratibu ambao umejengeka kwa baadhi ya shule kuwatumikisha kazi wanafunzi wakati wa vipindi via Masomo ama kuwafukuza kwa kushindwa kutoa michango hiyo na kuwa kufanya hivyo ni kinyume ma sera za Elimu nchini za kutoa Elimu bora kwa wanafunzi hao.

MWANRI AWAJIA JUU WANAOISHAMBULIA SERIKALI YA JK

2012-01-22T17:44:00.005+03:00

Naibu waziri wa Tamisemi Mhe.Aggrey Mwanri (Mb)

NAIBU waziri ofisi ya waziri mkuu tawala za mikoa na serikali za mitaa (TAMISEMI) Agrrey Mwanri amewataka wananchi kuwapuuza viongozi wa vyama vya upinzani ambao wamekuwa wakihamasisha wananchi kuichukia serikali ya Rais Jakaya Kikwete bila kuwahamasisha vijana kufanya kazi kwa kujituma.

Alisema kuwa kila kukicha kumekuwa na migomo na maandamano ya kudai haki zao bila viongozi hao kuwahamasisha vijana hao kufanya kazi badala ya kuendelea kukaa vijiweni na kufanya maandamano ya kudai maisha bora bila kufanya kazi.

Akiwaahutubia wakazi wa Lugorofu Mgololo wilaya ya Mufindi Mwanri alisema kuwa vijana wasikubali kutumikishwa na vyama hivyo vya siasa ambavyo sera zake ni kuikosoa serikali iwe kwa jema ama bay a na mud a wote wao ni kufanya maandamano ya kuipinga serikali.

Hivyo aliwataka vijana kufanya kazi kwa nguvu zote na Kuacha kuendelea kushinda vijiweni na kulalamikia ugumu wa maisha.

Katika hatua nyingine Mwanri amepiga marufuku Halmashauri kuendelea kutoa kazi kwa wakandarasi ambao wamekuwa wakija na vibarua wao katika kutekeleza miradi ya ujenzi katika Halmashauri husika na kuwa ni vema wakandarasi hao kuwatumia wananchi na vijana wa eneo husika na sio nje ya mradi .

Mwanri ambae pia ni mbunge wa jimbo la Siha mkoani Kilimanjaro kwa Mara ya kwanza amepongeza kazi nzuri ya ujenzi wa mfereji wa umwagiliaji Mgololo wilaya ya Mufindi mkoani Iringa mradi uliojengwa kwa kiasi cha zaidi ya shillingi bilioni moja na kuagiza maofisi ugani katika Halmashauri hiyo na Halmashauri nyingine za mkoa wa Iringa kutoka maofisini na Kwenda mashambani kusaidia

Katika ziara yake ya kukagua miradi ya maendeleo katika Halmashauri ya wilaya ya Mufindi leo ,Mwanri alisema kuwa Amevutiwa na kazi nzuri ya usimamizi wa fedha za miradi ya maendeleo katika Halmashauri hiyo ya Mufindi na kuwa baadhi ya Halmashauri za mkoa wa Iringa wakurugenzi wake na wahandisi wa miradi ya ujenzi na maji Kama wilaya ya Ludewa wameshindwa Kabisa kuwajibika katika kusimamia fedha za serikali na wahisani katika miradi hiyo.

Hivyo alisema kuwa Wizara yake haitawafumbia macho watendaji wabovu wanaoshindwa kusimamia miradi hiyo ya maendeleo na kuwa katika ziara yake Halmashauri ya wilaya ya Mufindi imeonyesha kuwa ni Halmashauri ya mfano kwa kuwa na mradi mzuri wa umwagiliaji ambao bado kukamilika ila ni mradi wenye Sita zote za kuitwa mradi wa umwagiliaji.

Mwanri alisema kuwa pamoja na kuwa mradi huo bado kukamilika ila amelazimika kuruhusu uongozi wa Halmashauri ya wilaya ya Mufindi kupitia mkurugenzi wake Shimwela Limbakisye na mhandisi wa mradi huo Awariywa Nnko kuwaruhusu wananchi kuanza kuutumia mradi huo wakati jitihada za kuukamilisha zikiendelea

"Ndugu viongozi wa wilaya ya Mufindi na mkuu wa wilaya ya Mufindi Evarita Kalalu naomba kuwapongeza
Sana kwa kazi nzuri mliyoifanya katika kusimamia miradi ya maendeleo katika Halmashauri yenu ....naomba kazi hii mzidi kuifanya kwa nguvu Kama hizi ili kuwawezesha wananchi kujikwamua kiuchumi zaidi"

Katika hatua nyingine Mwanri aliwataka wananchi wa Mgololo na wakazi wa wilaya ya Mufindi kuendelea kuutumia miradi hiyo kwa kuboresha maisha yao na kuwa serikali ya Rais Jakaya Kikwete imeendelea kuboresha maisha ya watanzania kwa kuanzisha kusogeza maendeleo mbali mbali kwa wananchi wake.

Alisema kuwa wapo baadhi ya watu ambao wanaendelea kupinga kazi nzuri inayofanywa na serikali ya Rais Kikwete na kuwa wananchi wasikubali kudanganywa na wapinga maendeleo hao Kwani hawataki kuona serikali ikiwasaidia wananchi wake ili wapate kuichafua serikali.

Akizungumzia maofisi agani katika Halmashauri ambao wamekuwa wakishinda maofisini walipata kiyoyozi na kuvaa suti badala ya Kwenda mashambani kwa wakulima kuwasaidia kujua na kulima kwa kuzingatia taratibu bora za kilimo.

Hivyo aliagiza kuanzia sasa Maofisa hao wanaowajibika kwa wakulima na wafugaji kutoka ofisini na Kwenda kuwajibika kwa wakulima na wafugaji katika vijiji badala ya kushinda mijini na ofisini wakishindana kuvaa suti.

Kwa upande wake mhandisi mradi wa umwagiliaji katika Halmashauri ya wilaya ya Mufindi Bw.Nnko alimweleza naibu waziri huyo kuwa mradi huo wa umwagiliaji Mgololo una zaidi ya heat 1,000 ambazo zitanufaisha kay a 1,808 zanye wakazi 7,693.

Alisema kuwa kazi ya ujenzi wa mfereji huo wa umwagiliaji inafanywa na mkandarasi Boimanda Modern construction co.Ltd ya mkoani Iringa chino ya mkurugenzi wake Nicholaus Mgaya na kuwa kiasi cha zaidi ya shillingi bilioni 1.4 zitatumika kukamilisha mradi huo.

Nnko alisema kuwa baada ya mradi huo kukamilika hekta 700 zitalimwa na kumwangiliwa hivyo kufanya wananchi zaidi ya 7693 wa vijiji vya Lugorofu na Makungu kufaidika na mradi huo na kuwa mazao yatakayolimwa katika mradi huo ni mpunga ,Mahindi ,maharage na bustani za mboga mboga.

Wakati huo huo Mwanri ameagiza wananchi na Halmashauri za wilaya nchini kusaidia kujenga vituo vya polisi katika vijiji na kata ili kusaidia kupambana na wimbi la uharifu katika maeneo ya vijijini.

Alisema kuwa uharifu umekuwa ukiendelea kutokuwa maeneo ya vijijini kutokana na serikali kusahau kujenga vituo vya polisi katika maeneo ya kata na hivyo kutaka wananchi na Halmashauri kushirikiana kujenga vituo vya polisi.

TAARIFA KWA VYOMBO VYA HANARI TOKA IKULU

2012-01-22T09:06:00.000+03:00

UNITED REPUBLIC OF TANZANIA

DIRECTORATE OF PRESIDENTIAL COMMUNICATIONS

Telephone: 255-22-2114512, 2116539

E-mail: press@ikulu.go.tz

Website: www.mawasilianoikulu.go.tz

Fax: 255-22-2113425

PRESIDENT’S OFFICE,

THE STATE HOUSE,

P.O. BOX 9120,

DAR ES SALAAM.

Tanzania.

TAARIFA KWA VYOMBO VYA HABARI

Chama Cha National Convention for Construction and Reform-Mageuzi (NCCR-Mageuzi) kimempongeza Rais Jakaya Mrisho Kikwete kwa kusimamia suala la Katiba vizuri na kwa umakini mkubwa.
Mwenyekiti wa NCCR-Mageuzi Bwana James Mbatia ametoa pongezi hizo leo jioni alipofika Ikulu, akiongoza ujumbe wa viongozi wenzake sita(6), kuja kujadili suala la Katiba Mpya ya Tanzania.
"Tunakupongeza kwa kusimammia suala la Katiba vizuri, ni suala zito ambalo litatupa uhai vizazi na vizazi vijavyo". Amesema kama utangulizi wa ujio wao Ikulu.
"Upinzani sio uadui, tunahitaji kufanya marekebisho ya Katiba kwa amani na hoja bila kuvuruga amani yetu” Bwana Mbatia amesema na kuongeza kuwa “suala la Katiba linahitaji ushirikiano wa pamoja kwa nia njema, kwani taifa hili ni letu sote" ameeleza.

Akiwakilisha hoja ya NCCR-Mageuzi kwa Rais Kikwete, Mkuu wa Idara ya Sheria wa NCCR-Mageuzi Dkt. Senkondo Mvungi amesema, NCCR - Mageuzi inatambua ukubwa wa jambo hili la wa Tanzania kupata Katiba.
"Ni jambo kubwa sana, wewe ndiyo Rais wa kwanza kutengeneza sheria ya kupata katiba mpya na kuanzisha Mchakato wa kupata Katiba Mpya.

Kikao cha leo cha Rais na viongozi wa NCCR-Mageuzi ni mwendelezo wa jitihada za Rais Kikwete, kusikiliza, kuchukua maoni na mawazo ya wadau mbalimbali kutoka vyama vya siasa, asasi za kijamii na makundi mbalimbali katika kuelekea mchakato wa kupata Katiba Mpya ya Tanzania.
Rais amesema kuwa nchi hii inayo Katiba ambayo imelilea vizuri na kulifikisha Taifa la Tanzania hapa lilipo, lakini pia Taifa linahitaji Katiba inayoendana na wakati na itakayoweza kulilea Taifa hili kwa miaka mingi ijayo.

Mara baada ya kumaliza kikao na viongozi wa NCCR-Mageuzi, Rais Kikwete amekutana na kufanya mazungumzo na viongozi wa Chama Cha Demokrasia na Maendeleo (CHADEMA) ikiwa ni mwendelezo wa mazungumzo yao yalioanza mwishoni mwa mwezi Novemba mwaka 2011, kuhusu Katiba Mpya ya Tanzania.

Katika mazungumzo haya na Vyama vya Siasa Rais amesisitiza kuwa lengo la mazungumzo haya yote ni kuhakikisha kuwa hatimaye Watanzania wote watakiri kuwa Katiba Mpya ni yao wote na hatimaye ifikapo mwaka 2015 nchi iweze kufanya uchaguzi wake na Katiba Mpya.

Mwisho.

Imetolewa na Premi Kibanga,

Mwandishi wa Habari Msaidizi wa Rais,

Ikulu.

Dar es salaam.
21 Januari, 2012

SIRI NZITO MGOGORO WA KKKT IRINGA ,WACHOCHEZI WALIPONA BAKORA

2012-01-22T03:17:00.011+03:00

Askofu Dr Mdegella akizungumza na mtandao huu baada ya mgogoro kutangazwa kumalizika
Nimewasamehe bure wote waliohusika kunichafua
Askofu Dr Mdegella akitoa baraka kwa waumini wa kanisa hilo usharika wa kanisa kuu ,pembeni ni askofu Dr Shayo
Askofu Dr Shayo akiendesha ibada hiyo kwa niaba ya askofu Dr Mdegella
Waumini wa kanisa hilo wakisikiliza kwa makini taarifa ya mgogoro huo ulivyokuwa

SIRI nzito yaibuka sakata la mgogoro mkubwa uliokuwa ukilikabili kanisa hilo na kuwa kama si busara za viongozi wa juu wa kanisa katika kumaliza mgogoro huo uliokuwa ukilikabili kanisa hilo la kiinjili la kilutheri Tanzania (KKKT) dayosisi ya Iringa kati ya askofu wake Dr Owdernburg Mdegella na baadhi ya waumini wake bakora zingetembezwa kwa wahusika.

Akitangaza kumalizika kwa mgogoro huo mbele ya waamuni wa kanisa hilo usharika wa kanisa kuu Iringa mjini mapema jumapili iliyopita ,askofu wa kanisa la kilutheri Dayosisi ya Makete Dr Hance Mwakabona ambaye ndio alikuwa msemaji mkuu wa kamati maalum iliyoundwa na askofu mkuu wa kanisa hilo Dr Alex Malasusa .

Kabla ya kamati hiyo maalum iliyoundwa kutoka makao makuu ya kanisa hilo ili kuchunguza kiini cha mgogolo huo kwa kufanya mazungumzo ya na pande zote mbili kutangaza kuumaliza mgogolo huo vijana na kanisa hilo na baadhi ya waaumini ambao walikuwa hawapendezwi na kikundi hicho cha watu wachache kumshambulia askofu wao waliapa kuwachalaza bakora wao huo wachochezi.

Mmoja kati ya vijana ambao walikuwa wamechukizwa na mwenendo wa baadhi ya wazee maarufu katika kanisa hilo kwa kuchapisha vipeperushi vya kumtukana askafu Dr Mdegella alisema kuwa wamevumilia vya kutosha na walikuwa hawapo tayari kuendelea kuwavumiliwa watu hao waliokuwa wakiongozwa na mmoja kati ya wazee maarufu katika kanisa hilo kuona wanaendelea na kampeni zao chafu za kuchafua kanisa .

Alisema kuwa mhusika wa mgogoro huo kati ya askofu wao Dr Mdegella na kanisa hilo anafahamika na kuwa wanachopinga na kuchukia ni hatua ya kutumia vipeperushi kama mambo ya siasa katika kulichafua kanisa ni kufanya wamumini wote wanaoabudu katika kanisa hilo kuonekana hawana maana mbele ya jamii.

“Uvumilivu wetu ulikuwa umefika mwisho kama kamati hii kutoka makao makuu ingeshindwa kumaliza suala hili sisi vijana tungelimaliza kwa kuwaadhibu kwa bakora wahusika wa suala hili ambao walikuwa wakichapisha vipeperushi na kusambaza mitaani”

Alisema kuwa ni vipeperushi vya aibu sana ambavyo watu hao walikuwa wakisambaza na katika vipeperushi hivyo kulikuwa na matusi ya makubwa ya nguoni ambayo hayapaswi kusomwa wala kuwekwa bayana katika chombo chochote cha habari .

Kwani walisema kuwa hata kama waliyoyachapisha katika vipeperushi hivyo yangekuwa na ukweli ama uongo njia sahihi haikuwa hiyo ambayo waliitumia ya kuchapisha vipeperushi hivyo na kuvisambaza mitaani bali walipaswa kutumia njia nzuri za kufikisha ujumbe wao hata kukutana na viongozi wa juu wa kanisa kuliko kulidharirisha kanisa la bwana.

Kwa upande wake mwenyekiti wa kamati hiyo askofu Dr Mwakabona katika taarifa yake kwa waumini wa kanisa hilo alisema kuwa kamati hiyo ilikutana na makundi yote na hata wahusika wa suala hilo na kuwahoji kwa siri katika mahojiano yaliyodumu kwa takribani siku mbili na kuishi usiku wa manane.

Alisema kuwa mkuu wa kanisa hilo aliunda kamati hiyo yenye wajumbe zaidi ya wanne akiwemo askofu wa Dr Martine Shayo wa Moshi , Askafu Elisha Buberwa na katibu mkuu wa KKKT Brighton Killewa ili kuweza kuja mkoani Iringa kupata ukweli wa mgogoro huo na kuumaliza ili kazi ya kanisa kuendelea.

Kwani alisema kuwepo kwa mgogoro katika moja ya Dayosisi za KKKT nchini si tu madhara yanakuwepo katika dayosisi hiyo pekee bali ni kwa KKKT nzima na kuwa ndio sababu ya kufika na kumaliza mgogoro huo ili kuuanza mwaka 2012 kwa hali ya upendo na mshikamano zaidi .

Hivyo alisema kuwa kwa sasa mgogoro huo umemalizika na wahusika wote wa mgogoro huo wamesamehewa bure na kuwa maazimio ya kamati hiyo baada ya kupokea maoni kutoka katika pende zote ni kuona kuwa wahusika wanasamehewa na kuwa kwa yale ambayo ni makubwa zaidi yenye vithibiti yanafanyiwa kazi taratibu ili kupata ukweli zaidi .

Kwa upande wake askofu Dr Mgedella alisema kuwa yaliyosambazwa na watu hao katika vyombo mbali mbali vya habari likiwemo gazeti maarufu ya kila wiki linalosambazwa kote nchini ni uongo mtupu na kuwa kwa upande wake amesamehe na kama wataendelea kueneza uongo huo basi atalifikisha mahakamani gazeti hilo na kulitaka kumlipa fidia

LIVE-UJUMBE WA CHADEMA WAKUTANA NA RAIS KIKWETE IKULU USIKU HUU

2012-01-21T22:02:00.001+03:00

Rais Jakaya Kikwete akikutana na viongozi wa CHADEMA usiku huu Ikulu jijini Dar es salaam katika muendelezo wa mazungumzo ya mchakato wa Katiba hapa akisalimiana na katibu mkuu wa Chadema Dr Slaa(picha na Ikulu)

RAIS KIKWETE AONGOZA WATANZANI KUAGA MWILI WA MBUNGE JEREMIA SUMARI LEO

2012-01-21T21:52:00.003+03:00

Jeneza lenye mwili wa aliyekuwa Mbunge wa Arumeru Marehemu Jeremiah Sumari likiwasili katika uwanja wa Ukumbi wa Karimjee jijini Dar es salaam leo January 21, 2012 tayari kwa kupewa heshma za mwisho
Viongozi mbali mbali akiwemo waziri wa nchi ofisi ya waziri mkuu sera na uratibu wa bunge Wiliam Lukuvi (mwenye shati la kijani ) pamoja na rais Jakaya Kikwete wakiwa katika harakati za kuanga mwili wa mbunge Sumari
Rais Kikwete, Jaji Mkuu Mohamed Chande Othman, Spika Anne Makinda na kiongozi wa kambi ya upinzani Bungeni Mh Freeman Mbowe kwenye hafla hiyo
Rais Jakaya Kikwete akitoa heshima za mwisho katika mwili wa mbunge Jeremia Sumari leo (picha na Ikulu)

HOT NEWS...MFANYABIASHARA MAARUFU IRINGA AUWAWA KWA RISASI

2012-01-21T17:54:00.003+03:00

Mkuu wa polisi nchini IGP Mwema

WATU wawili wasadikika kuwa ni majambazi wakiwa na bunduki wamemteka na kumuua kwa risasi mfanyabiashara maarufu katika kata ya Mtwango wilaya ya Mufindi Victor Nzema na kumpora zaidi ya shilingi milioni 5.

Tukio hilo lilitokea jana majira ya saa 3.15 asubuhi katika Mtili barabara kuu ya Kibao -Mafinga wakati mfanyabiashara huyo akiwa safarini kuelekea mjini Mafinga wilaya ya Mufindi kufuata soda za jumla.

Akielezea mkasa huo dereva wa mfanyabiashara huyo ambaye pia alinusurika kifo Yohana Nyigo alisema kuwa katika gari hilo aina ya fuso lenye namba za usajili T 826BBH mbali ya mfanyabiashara huyo pia alikuwemo utingo aliyemtaja kwa jina la Mwanzo Mwisho .

Nyigo alisema kuwa mfanyabiashara huyo alivamiwa na watu hao ambao walikuwa katika usafiri wa pikipiki .

Alisema kuwa watu hao majambazi walichomoza ghafla kutoka porini na piki piki yao na kulitangulia gari hilo na kuanza kulipita kwa kasi kisha kurudi nyuma na baada ya mafanyabiashara huyo kuingiwa na hofu na kuagiza dereva kuongeza mwendo zaidi ndipo watu hao walipoamua kutangulia mbele upande wa kushoto na kuanza kumimia risasi katika taili za mbele za gari hilo.

"Tulipoona mmoja kati ya majambazi hao aliyekuwa amekaa nyuma ya piki piki hiyo ameruka na kuanza kumimia risasi mimi kama dereva na utingo tulifanikiwa kuruka na kukimbilia porini na kujificha katika mti huku tukishuhudia tukio zima .....wakati huo bosi wetu tayari alikuwa amepigwa risasi ya kifuani na mgongoni baada ya kujaribu kukimbia na mkoba wa pesa"

pamoja na kumpora fedha hizo pia walimpora simu yake aina ya nokia na kuondoka nayo na kutumia usafiri wao wa piki piki kutoweka katika eneo la tukio na wakati wote hapakuwa na watu waliofika kusaidia .

Kaimu kamanda wa polisi wa mkoa wa Iringa Claus Mwasyeba amemthibitishia mwandishi wa habari hizi juu ya tukio hilo na kuwa fedha zilizoporwa na majambazi hao ni kiasi cha shilingi milioni 5.2

Alisema kuwa majambazi hao walikuwa katika pikipiki yenye rangi nyekundu ambayo bado namba zake za usajili kufahamika na kuwa kwa sasa wanaendelea na msako mkali wa kuwasaka wahusika wa tukio hilo na kuwaomba wananchi kutoaushirikiano zaidi kwa jeshi la polisi ili kufanikisha kukamatwa kwa watu hao.

MADEREVA WA MALORI NA WAAJIRI WATAKA WAZIRI NUNDU NA NAIBU WAKE WAJIUZULU

2012-01-21T13:57:00.004+03:00

Waziri wa uchukuzi Omary Nundu
Naibu waziri za uchukuzi Dkt Athuman Mfutakamba

WAKATI sakata la migomo isiyokwisha kwa madereva wa malori ya mizigo nchini ikiendelea kuchukua sura mpya kila kukicha ,madereva hao wa malori ya mizigo na waajiri wamemgeukia waziri wa uchukuzi Omary Nundu na naibu wake Dkt Athuman Mfutakamba wadai wameshindwa kusimamia maagizo yao wenyewe na hivyo kuwataka wajiuzulu nafasi zao mara moja .

Wakizungumza na mwandishi wa habari hizi kwa nyakati tofauti madereva hao walisema kuwa sababu ya wao kuendelea kugoma mara kwa mara ni kutokana na ahadi za serikali iliyotolewa na wizara hiyo ya uchukuzi kushindwa kutekelezwa kwa wakati .

Akizungumza kwa niaba ya wenzake Michael Sanga ambaye ni dereva wa lori linalofanya safari zake kati ya Malawi na Dar es Salaam alisema kuwa wakati wa mgomo wao wa kwanza ambao waziri wa uchukuzi alifika kuwasikiliza walikuwa na madai sita ambayo waliomba yatekelezwe ili wao kuweza kusitisha mgomo wao.

Alisema kuwa kati ya madai hayo sita madai matano yalikuwa upande wa serikali na dai moja kwa waajiri wao ila wanashangazwa kuona serikali inaendelea kuchelewa kutekeleza ahadi zake katika madai hayo matano na kusimamia kwa nguvu zote utekelezaji wa dai moja la waajiri kutoa ajira kwa madeva hao.

Sanga alisema kuwa mgomo huu wa mwaka huu ambao uliitishwa na madereva haukuwa ni mgomo wenye tija kwao kwani bado ulilenga suala hilo moja la madereva kuajiriwa na kufunika madai matano ya serikali na kuwa sehemu kubwa ya mgomo huo ulihamasishwa na baadhi ya viongozi wa serikali na madereva deiwaka (wasio na kazi) ambao wananyemelea kazi.

Hivyo alisema kuwa ufike wakati watendaji wa serikali akiwemo waziri wa uchukuzi Omary Nundu na naibu wake Dkt Athuman Mfutakamba kuepuka kutoa ahadi ambazo kwao ni vigumu kutekelezwa na kuwa kufanya hivyo ni sawa na kuichafua serikali nzima chini ya Rais Jakaya Kikwete .

"katika maazimio yetu tulianzimia mambo sita ambayo ni kuondoa usumbufu wa mizani kutoka mizani nane iliyopo hadi kufika mizani minne ama mitatu kutoka Dar es Salaam hadi Tunduma, Askari wa usalama barabara kupunguzwa kutoka vituo 20 vya sasa toka Dar es Salaam hadi Tunduma, vituo vya ukaguzi wa magari (Check Point ) kupungua zaidi ,Kucheleweshwa boda ya Tunduma kwa wiki 2-4 na TRA, kuchelewa kupakia mizigo bandarini kati ya siku 2-3 na waajiri kutoa ajira kwa madereva"

Alisema kuwa hadi sasa mfano kwa upande wa askari wa usalama barabarani badala ya kupungua ndio wameongezeka katika mikoa yote kutoka Dar es Salaam hadi Tunduma .

Aidha alisema wanawashukuru waajiri kwa upande wao wameanza kutoa ajira kwa madeva na sumatra imekuwa ikiwabana waajiri hao kwa nguvu zote huku serikali ikishindwa kutimiza hata ahadi yake moja kati ya madai matano yaliyoelekezwa kwa serikali.

Kwa upande wake Ally Kalinga ambaye ni dereva wa Lori linalofanya safari zake kati ya Zambia na Dar es Salaam aliasema kuwa ili mawaziri hao na manaibu mawaziri waendelee kusimamia vema wizara zao ni vema waziri wa uchukuzi na naibu wake kujiuzulu kwa kushindwa kuiongoza wizara hiyo .

Mmoja kati ya waajiri ambaye hakupenda kutajwa jina lake alisema kuwa madai ya madereva ni ya msingi na ndio sababu ya wao kama waajiri wameanza kutekeleza kwa nguvu zote dai lao kubwa la kutaka kupewa ajira na kuwa hadi sasa zaidi ya madereva 2700 kote nchini wamepatiwa ajira zao.

Pia alisema serikali inao uwezo wa kutimiza madai ya madereva hao madai hayo matano haraka iwezekanavyo na kuwa iwapo waziri mwenye dhamana ya wizara hiyo na naibu wake wameonyesha kushindwa kusimamia ahadi zao wenyewe ni vema kutangaza kujiuzulu ili kumfanya Rais Kikwete asiendelee kuchafuliwa na utendaji mbovu wa baadhi ya mawaziri wake.

Katika ahadi yake kwa madereva hao wakati wa mgomo wa kwanza uliofanyika mwaka jana mjini Tunduma mkoani Mbeya ,waziri Nundu aliwaahidi madereva hao kuwa madai yao yatafanyiwa kazi haraka zaidi na kuahidi baada ya miezi miwili mizani barabarani kupunguzwa na kubaki na mizani miwili pekee kutoka Dar es Salaam hadi Tunduma mkoani Mbeya,huku Trafiki alidai watakuwepo katika mizani pekee na ukaguzi ungefanyika katika mizani hiyo ila hadi sasa kimya

WANA CCM MAKETE WAGAWANYIKA

2012-01-21T12:59:00.002+03:00

Katibu wa CCM mkoa wa Iringa Mary Tesha

WAKATI mbio za wana chama wa chama cha mapinduzi (CCM) kujipanga kwa kuwania nafasi mbali mbali katika chaguzi za chama hali ya mambo ndani CCM wilaya ya Makete mkoani Iringa imezidi kwenda kombo kutokana na makundi makubwa kuibuka katika wilaya hiyo kutaka kuweka viongozi watakaowezesha kumng’oa mbunge wa jimbo hilo Dr Binilith Mahenge mwaka 2015.

Habari kutoka ndani ya CCM katika wilaya hiyo zinadai kuwa kundi kubwa ndani ya wanaCCM Wilayani Makete lililojipanga kuchukua nafasi za uongozi Katika uchaguzi wa ndani ya chama mwaka huu 2012 limelenga kujiandaa kwa ajili ya kumpata mbunge atakayechukua nafasi ya mbunge wa sasa Dkt Mahenge .

Kundi hilo kubwa linaongozwa na mmoja kati ya makada wa CCM wilaya hiyo ambaye pia ni diwani ambaye anadaiwa kujipanga kugombea nafasi ya NEC na ubunge wa jimbo la Makete,

mwingine ni mwenyekiti wa sasa wa chama hicho Jasoni Mwamwala ambaye anataka kutetea nafasi yake Diwani wa Kata ya Bulongwa na mwenyekiti wa UWT naye yumo Katika kutetea nafasi yake .

Mtoa taarifa wetu amesema kwamba kundi hilo linampinga katibu wa CCM Wilaya bwana Joseph Mlozi kwa kusema kwamba hatawatendea haki Katika uchaguziujao ndani ya chama.

Hivi karibuni kulifanyika kikao cha kamati ya siasa ambacho kilikuwa na mvutano juu ya katibu huyo, kundi hilo lilimtuhumu kuwa hawana imani naye kutokana kuwa karibu na Mheshimiwa Mbunge wa sasa pamoja na Mkuu wa Wilaya. Kitendo ambacho katibu huyo alisema kuwa yeye binafsi hayupo kwenye kundi lolote na wala hafanyii kazi majungu bali anatekeleza majukumu yake kwa kuzingatia katiba ya CCM.

Mtoa taarifa huyo alisema baada ya kikao hicho kuvutana kilivunjika na wajumbe kusambaa ingawa baada ya muda mfupi wajumbe walio Katika kundi linalompinga katibu wa CCM Wilaya walikutana na Mbunge wa Makete Katika Ofisi ya Mkuu wa Wilaya kwa lengo la kutafuta suluhu.

Baada ya hapo mjumbe mmoja alitumwa kwa katibu wa CCM Wilaya kumuomba msamaa kwa kile kilichotokea.

Toka kufika kwa katibu huyo Wilayani Makete mwaka jana amekuwa na misimamo mikali inayomsaidia kutoingizwa kwenye kundi lolote kiasi cha kupata mtikisiko mkubwa wa kufukuzwa kwenye nyumba ambayo alipangiwa kukaa. Nyumba hiyo inamilikiwa na mmoja na wanaompinga katibu huyo.

Kwa mujibu wa chanzo chetu kimesema mgogoro huo ulishawahi kusuluhishwa na viongozi wa juu wa CCM mkoa wa Iringa lakini bado unaendelea kukibomoa chama hicho Wilayani Makete. Jambo hili huenda likakisambaratisha chama hicho Katika uchanguzi wa mwaka 2015 na kupelekea upinzani kupata wanachama wengi zaidi

Alisema kuwa kuelekea katika uchaguzi wa ndani wa CCM kundi hilo kubwa linahofu ya kupoteza nafasi ya Mwenyekiti wa sasa wa CCM Wilaya kutokana na kuwepo mwanachama Francis Chaula kuonyesha nia ya kutaka nafasi hiyo na amekuwa akiungwa mkono na wanachama wengi kutokana na kuwa ni kijana mwenye mvuto.

Wakati huohuo hali ya kisiasa ikiendelea kuwa mbaya kutokana na kundi hilo kubwa kutaka madaraka. Baadhi ya watendaji wa Kata wamekumbwa na matatizo ya kuhamishwa sehemu moja kwenda nyingine bila malipo kutokana na kutokufuata maagizo wanayopewa na kundi hilo yenye lengo la kuwatengenezea mazingira ya ushindi Katika uchanguzi wa ndani ya CCM.

Katibu wa CCM wilaya ya Makete hakuweza kupatikana kuweza kuzungumzia hali ya mambo yanavyokwenda katika wilaya hiyo ya Makete .

MWENYEKITI WA CHADEMA (W) NACHINGWEA AJISALIMISHA KWA MAKUMU WA RAIS DKT BILAL

2012-01-21T12:18:00.005+03:00

Makamu wa Rais Dkt. Mohammed Gharib Bilal, akionyesha kadi ya CHADEMA baada ya kukabidhiwa na Hassan Mkope (kulia) aliyekuwa Mwenyekiti wa CHADEMA wa Wilaya ya Nachingwea, aliyeamua kujiengua na kujiunga na CCM. Makamu ameanza ziara yake katika Mkoa wa Lindi

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akiagana na wananchi wa Nachingwea, wakati alipokuwa akiondoka katika mradi wa maji wa Chiumbati jana, januari 20, 2012. Picha na Muhidin Sufiani-OMR

TAARIFA KWA VYOMBO VYA HABARI

MAKAMU WA RAIS WA JAMHURI YA MUUNGANO WA TANZANIA AANZA ZIARA YA
KISERIKALI MKOANI LINDI

Makamu wa Rais wa Jamhuri ya Muungano wa Tanzania Dkt. Mohammed Gharib
Bilal ameanza ziara ya siku nne ya kiserikali mkoani Lindi leo Ijumaa
Januari 20, 2012. Katika ziara hii Makamu wa Rais anatembelea wilaya za
Nachingwea, Lindi na Kilwa. Hii ni mara ya kwanza kwa Dkt. Bilal kufanya
ziara mkoani hapa akiwa Makamu wa Rais ambapo anapata fursa ya kukagua
miradi ya maendeleo na kuhamasisha wananchi kujiendeleza katika kazi zao
mbalimbali.

“Nimefarijika sana kuwa katika mkoa huu, nimepokea mapokezi mazuri na
nimefarijika sana kuna wananchi wa mkoa wa Lindi namna wanavyojitutumua
katika kusaka maendeleo ya maisha yao,”alisema Dkt. Bilal siku ya kwanza
ya ziara yake wakati akihutubia wananchi wa Chiumbali ambapo hapo kuna
mradi mkubwa wa maji unatoka Masasi na unaolenga kutoa maji kwa wilaya za
Masasi Nachingwea, mradi ambao utasaidia kwa kiasi kikubwa kupunguza
tatizo la ukosefu wa maji katika Wilaya ya Nachingwea hasa nyakati za
kiangazi.

Kwa sasa wilaya ya Nachingwea iko katika hatua za kutanua kilimo na hali
ya hewa wilayani hapa katika kipindi hiki inaonyesha kuwa upo uwezekano wa
wilaya hii kupata mavuno mazuri ya mahindi ambayo yanaonyesha kustawi huku
ardhi ya wilaya hii ikiwa na uwezo wa kumudu kuwa na mazao yenye rutuba
bila kutumia mbolea za viwandani.

Makamu wa Rais pia amekuwa katika shughuli za kuhamasisha ujenzi wa
hosteli za wanafunzi hasa katika shule ya Nachingwea ambayo ni maalum kwa
wanafunzi wa kike ambayo imeanzishwa mwaka huu na ina wanafunzi 50. Shule
hii ina dhamira ya kuwa na michepuo ya sayansi na imejengwa kwa lengo la
kukabiliana na tatizo la mimba kwa watoto sambamba na ndoa za utotoni.

Mkoa wa Lindi unakabiliwa na changamoto nyingi na moja kubwa ni soko la
zao la Korosho ambapo sasa wakulima wana shauku kubwa ya kupata malipo yao
ya pili kufuatia mfumo wa stakabadhi ghalani, malipo ambayo hayajatolewa.
Katika kukabiliana na tatizo hili Makamu wa Rais amemwagiza Waziri mwenye
dhamana ya Kilimo na Ushirika kukutana na wadau wa zao la Korosho ili
kujadiliana na kutoa jibu la tatizo hili katika kipindi kifupi kijacho,
ili kuwapa wananchi hamasa ya kuendelea kuzalisha korosho.

Makamu wa Rais pia anasisitiza juu ya wananchi kutumia demokrasia iliyopo
nchini kwa kukosoa serikali huku wakibaini kuwa, demokrasia ina mipaka
yake na kwamba wajadiliane kwa busara katika mijadala ya kutafuta Katiba
mpya na mwisho watambue hawana eneo jingine duniani linalowathamini zaidi
ya Tanzania.

Imetolwa na: Kitengo cha Habari
Ofisi ya Makamu wa Rais wa Jamhuri ya Muungano wa Tanzania
Januari 20, 2012

2012-01-21T12:05:00.001+03:00

NAF BLUE VIEW HOTEL MTWARA NI CHAGUO LA UHAKIKA

Karibuni wageni Manispaa ya Mtwara /Mikindani mkoani Mtwara kumbuka uwapo Manispaa ya Mtwara usisumbuke kuuliza Hotel nzuri ya kujipumzisha uliza NAF BLUE VIEW ni Hotel ya kisasa inayoongoza kwa huduma bora ipo mtaa wa Sinani Manispa ya Mtwara jirani kabisa na stendi kuu ya mkoa wa Mtwara

Vyumba ndani ya Hotel ya NAF BLUE VIEW,Mtwara /Mikindani
Kila chumba kuna mawasiliano ya kutosha kama simu , TV n.k
NAF BLUE VIEW inaongoza kwa usafiri na uwapo ndani ya Hotel utafurahia kufika Mtwara
Vyoo na bafu za kisasa zaidi uwapo ndani ya Hotel ya NAF BLUE VIEW Mtwara
Mazingira yanapendeza zaidi ndani ya Hotel ya NAF BLUE VIEW Mtwara mkoani Lindi
Vitanda vyetu ni vya kisasa zaidi na utapenda kuendelea kutembelea Mtwara kila wakati iwapo utalala ndani ya Hotel yetu ya NAF BLUE VIEW

Hii ndio HOTEL YA NAF BLUE VIEW Mtwara

IPO JIRANI NA STAND KUU YA MKOA WA MTWARA

NAF BLUE VIEW HOTEL

KWA MAWASILIANO ZAIDI

P. o Box 179 Mtwara

Tel. 0232334465 Fax 0232334466

mobile;0776467066/ 0683467066

Email; nafblueviewhotel@gmail.com

KARIBUNI WAGENI MANISPAA YA MTWARA ,KARIBUNI SANA NAF BLUE VIEW HOTEL

2012-01-21T12:03:00.000+03:00

RUAHA HILLTOP LODGE NI SEHEMU PEKEE YA KUJIPUMZISHA UWAPOHIFADHI YA TAIFA YA RUAHA IRINGA

Uwapo Ruaha katika hifadhi ya Taifa ya Ruaha Iringa ,sehemu pekee ya kujipumzisha ni Ruaha Hilltop Lodge wao ni mabingwa wa utoaji wa huduma bora kwa wageni ndani na nje ya Hifadhi

Waweza kufanya utalii wa kuona wanyama mbali mbali uwepo Ruaha Hilltop Lodge Iringa ipo juu ya kilele cha mlima,kama inavyoonekana hapa watalii wakitazama wanyama wanaopita jirani na Ruaha Hilltop Lodge

Ni eneo lenye mwonekano mzuri zaidi

Ndani ya Ruaha Hilltop Lodge kuna duka la vinywago vya wanyama mbali mbali

Watalii wa ndani ya Tanzania pia hupenda kutembelea Ruaha Hilltop Lodge ,pichani kulia ni Miss Utalii 2011-2012 nyanda za juu kusini akitembelea Ruaha Hilltop Lodge

Ndani ya Ruaha Hilltop Lodge kuna sehemu ya ukumbi wa kufanyia sherehe ya kujipumzisha kwa mazungumzo

Uwapo Ruaha Hilltop Lodge waweza kutazama ndege na wanayama wa aina mbali mbali

Bahati hii ya kutazama wanyama na ndege bila kuzungumza hifadhini waweza kuipata uwapo Ruaha Hilltop Lodge pekee

Huduma zetu ni nzuri na bora zaidi

Baadhi ya vyumba ndani ya Ruaha Hilltop Lodge ni vizuri na vyenye kuvutia

Ruaha Hilltop Lodge Iringa ,For Quality , Affordable Accommodation & Safari

E-mail Info@mahaHilltoplodge.com

Ruahahilltoplodge@yahoo.com

www.ruahahilltoplodge.com

Call;+225754489375/0784 726709

ZAIDI INGIA HAPA

GLORY LODGE IRINGA NI SEHEMU TULIVU PA KUJIPUMZISHA

2012-01-21T11:58:00.000+03:00

Muonekano wa nje kabla ya kuingia ndani ya Lodge na eneo kubwa la parking ya magari na ulinzi thabiti.

Huduma safi ya maliwato/choo

Huduma bora ya malazi

Muonekano wa Glory Lodge kwa nje

Mandhari safi uingiapo mapokezi

HUDUMA ZINAZOTOLEWA:
Malazi,Chakula,Vinyaji,Breakfast bure
Vyumba:
Self Contain,Flat Screen zenye DSTV vyumba vyote,Simu kila chumba,heater vyumba vyote vitanda vikubwa na vyenye ubora
Bei ya chumba:30000
CONTACTS
0762967626/0717706441
Huduma za semina/works shops pia zipo

Glory Lodge Ipo Kihesa jinani na uwanja wa mpira wa shule ya msingi Kihesa

GLORY LODGE
The best lodge in town

HIFADHI YA MIKUMI MCHANA WA LEO

2012-01-20T16:14:00.001+03:00

NIMETUA IRINGA SIJAPENDEZWA TABIA UCHINJAJI MBUZI KIHOLELA WILAYA YA KILOSA

2012-01-20T15:57:00.005+03:00

Mazingira hatarishi wanayotumia kuchinja mbuzi katika mnada wa Kilosa Morogoro mapema leo
Nimepita katika maeneo ya wilaya ya Kilosa mkoani Morogoro na kukuta mnada kando kando ya barabara huku wafukaji jamii ya kimasai wakichinja mbuzi zao kwa ajili ya kuziuza katika mnada huo .

Mazingira haya kwa viongozi wa wilaya ya Kilosa ni machafu sana na hatari kwa afya za walaji na sina hakika kama wilaya hiyo kuna mabwana afya ambao wanafika kukagua nyama hiyo kabla ya kuwauzia wananchi .

NB.Nimetua Iringa mchana huu tayari kwa kuendeleza mzigo

BREAKING NEWSsssssssss MAJAMBAZI WAUA MFANYABIASHARA IRINGA ASUBUHI HII

2012-01-20T11:52:00.004+03:00

TAARIFA zilizotua dakika chache kutoka kata ya Mtwango wilaya ya Mufindi mkoani Iringa zinadai kuwa watu wanaodaiwa kuwa ni Majambazi wamemvamia mfanyabiashara mkubwa katika kata ya Mtwango Bw.Nzema na kumuua .

inadaiwa kuwa watu hao wanaosadikika kuwa ni Majambazi wamemvamia Mfanyabiashara huyo wakati akiwa njiani Kwenda mjini Mafinga kununua soda za jumla akiwa na Lori lake

Tukio hilo limetokea mapema asubuhi ya Leo katika barabara ya Mafinga -kibao
Habari kamili yaja kwa sasa wadau nipo Ruaha mbuyuni naitafuta kitonga Iringa

NIMEKWAMA MOROGORO NA BASI LA AL-SAEDY ,WEPA ZAKWMISHA SAFARI YETU

2012-01-20T10:30:00.003+03:00

BASI la kampuni ya Al- SAEDY ambalo nimepanda limekwama kwa zaidi ya saa moja mjini Morogoro kutokana WEPA za basi hilo kusumbua hivyo matarajio yangu ya kufika Irnga kabla ya saa 8 mchana yameanza kutoweka.

Basi hili linaelekea mkoani Mbeya na hadi sasa mabasi yote yaliyotoka saa. 12 Dar Kwenda Mbeya yamepita ila letu ni mtego

Kubwa tuzidi kuombeana safari njema ya Mungu mengi.

NIPO SAFARI NA BASI LA AL-SAEDY ROYAL CLASS NIKITOKA DAR KUREJEA IRINGA

2012-01-20T07:10:00.003+03:00

Taarifa kwa wadau nimeingia Dar es Salaam jana kwa dharula ya kikazi na asubuhi hii naondoka Dar es Salaam kurejea Iringa kuendelea na ratiba yangu ya wiki hii.

Tuombeani safari njema

WIZARA YA MALIASILI NA UTALII KUZALISHA NISHATI YA KUNI NA MKAA

2012-01-19T21:09:00.002+03:00

Kaimu Mtendaji Mkuu wa Wakala wa Huduma ya Misitu Tanzania (kushoto) akiteta jambo na Waziri wa Maliasili na Utalii, Mhe. Ezekieli Maige alipokuwa akiwaeleza wafanyakazi wa Msitu wa Hifadhi Ruvu uliopo Kibaha, Mkoani Pwani nia ya Wizara kuanza kuzalisha nishati ya mkaa na kuni, hivi karibuni.(picha na Tulizo Kilaga)

WIZARA ya Maliasili na Utalii iko kwenye mchakato wakuangalia uwezekano wakutumia maeneo yake yalioko Kibaha mkoani Pwani kwa ajili ya uzalisha wa nishati ya kuni na mkaa.

Mwandishi Tulizo Kilaga anaripoti kuwa ,Hatua hiyo inakuja kufuatia kukosekana kwa ufumbuzi wa tatizo la nishati ya kuni na mkaa ambao kwa miaka yote asilimia kubwa ya nishati hizo hasa mkaa hutumika jijini Dar es Salaam.

Katika ziara yake ya kutembelea misitu ya hifadhi iliyoko Mkoani Pwani hivi karibuni, Waziri wa Maliasili na Utalii, Mhe. Ezekiel Maige alisema kwa miaka yote asilimia karibia 50 ya nishati ya kuni na mkaa unaozalishwa nchini unatumika jijini Dar es Salaam kutokanawakazi wake kushindwa kutumia nishati nyingine kama umeme na gesi.

“Hali ilivyo sasa ni lazima tukubari tutaendelea kutumia mkaa kwa miaka kadhaa ijayo,na ili kufanya hivyo ni lazima tujipange kuwa wazalishaji wa mkaa, Wizara sasa haioni haja yakusubiri watu wachome mkaa na kuanza kukimbizana nao na badala yake imeamua kukabiliana na mahitaji ya nishati hiyo,” alisema Mhe. Maige.

Aliongeza kuwa kanuni ya uchumi zinasema kuwa jinsi unavyoongeza ugavi ndivyo unavyopunguza bei, na jinsi unavyopunguza bei ndivyo unavyowapunguzia hamu wazalishaji wapya kuingia kwenye eneo hilo kwa sababu halitakuwa na faida. Hivyo wizara inaweka mikakati yakuzalisha mkaa.

“Wizara kwa kupitia Wakala wake wa Huduma za Misitu (TFS) inafikilia kuanzisha mashamba ya kuni ambapo itapanda miti inayokomaa kwa muda mfupi na baadaye kuchoma mkaa na kufungua vituo vya kuuzia mkaa kwa bei nafuu kuliko mkaa wa wizi au mkaa unaotozwa ushuru mwingi kwenye maeneo yaiyoruhusiwa,” alisema Waziri.

Mhe. Maige alisema hatua hiyo itaiongezea kipato TFS na kuwapa changamoto wazalishaji wa nishati nyingine na kupunguza presha ya uvamizi wa misitu kwenye maeneo ambayo yamezuiwa.

Aliongeza kuwa utekelezaji wa mpango huo utahusisha sekta binafsi kwa kuwa sheria inaruhusu kuingia mkataba wa muda mrefu na watu wanaotaka kuendeleza misitu. Hivyo wawekezaji hao watalazimika kupanda miti na kuuza huku ardhi ikibaki serikalini ili kuongeza uzalishaji.

Kwa upande wake, Kaimu Mtendaji Mkuu wa Wakala wa Huduma za Misitu, Bi. Monica A. Kagya alisema wakati wa kuanzisha mashamba hayo watazingatia mahitaji ya wakazi wa maeneo husika na kuchanganya aina ya miti kutokana na mahitaji ya wananchi, lakini dhumuni kuu litakuwa kupata kuni na mkaa.

Aliongeza kuwa, zoezi hilo litaanza kutekelezwa mara baada ya wataalamu wa misitu kukamilisha utafiti wa aina ya miti inayofaa kupandwa na kukomaa kwa muda mfupi huku ikizalisha mkaa mzito unaopendwa na wengi.

Mkuu wa Mkoa wa Pwani, Mwamtumu Mahiza alisema atahakikisha vijana wanaotumia nguvu kazi zao kufanya uharibifu, wanashirikishwa kwa nguvu zote katika shughuli za upandaji miti inayokomaa kwa muda mfupi kuanzia msimu huu wa mvua ili kuweza kuzalisha nishati ya kuni na mkaa kwa wingi bila kusababisha uharibifu wa mazingira.

Mkoa wa Pwani ni eneo linaloathilika zaidi na mahitaji ya mazao ya misitu ya mkoa wa Dar es Salaam kutokana na ukaribu wa mikoa husika ambapo takwimu za mwaka 2010 zinaonyesha kuwa Tanzania hutumia magunia milioni 64 ya mkaa kwa mwaka ambapo nusu ya hayo hutumika jijini Dar es Salaam.

RAIS KIKWETE AFIKA KUOMBOLEZA KIFO CHA MBUNGE SUMARI NYUMBANI KWAKE MBEZI BECHI

2012-01-19T20:59:00.003+03:00

Rais Dkt Jakaya Mrisho Kikwete akiweka sahihi ,katika kitabu cha maombolezi ya kifo cha mbunge wa Arumeru marehemu Jeremia Sumari nyumbani kwake Mbezi jijini Dar es Salaam jioni ya leo baada ya kutoka ziara na katika mazishi ya mbunge wa viti maalumu Chadema mkoa wa morogoro marehemu Regia Mtema
Rais Dkt Kikwete akiwa na viongozi mbali mbali nyumbani kwa marehemu mbunge Sumari leo ,kutoka kulia ni spika wa bunge Anne Makinda ,mbunge wa Monduli Edward Lowassa na ndugu wa karibu na marehemu Sumari anayeteta na Rais

Rais Kikwete Akimpa pole mjane wa Marehemu Jeremia Sumary, Mbunge wa Arumeru na Naibu Waziri wa Fedha wa wa zamani aliyefariki leo asubuhi jijini Dar es salaam. Hapa ni nyumbani kwa marehemu, Mbezi Beach, Dar es salaam jioni hii(picha zote na Ikulu)

LIGI KUU YA VODACOM KUANZA JUMAMOSI

2012-01-19T16:17:00.002+03:00

Bw.Boniface Wambura Ofisa HabariShirikisho la Mpira wa Miguu Tanzania (TFF)

Mzunguko wa pili wa Ligi Kuu ya Vodacom kuwania ubingwa wa Tanzania Bara unaanza keshokutwa (Januari 21 mwaka huu) kwa mechi nne. Moro United itaikaribisha Yanga kwenye Uwanja wa Taifa, Dar es Salaam na Mtibwa Sugar itaoneshana kazi na Oljoro JKT kwenye Uwanja wa Manungu, Turiani.

Nayo Toto Africans itakuwa mgeni wa Ruvu Shooting kwenye Uwanja wa Mlandizi mkoani Pwani na Villa Squad itapambana na Kagera Sugar katika Uwanja wa Azam Chamazi, Dar es Salaam.

Januari 22 mwaka huu JKT Ruvu na Polisi Dodoma zitapepetana Uwanja wa Azam Chamazi wakati Januari 22 mwaka huu Dar es Salaam itakuwa na mechi mbili; African Lyon na Azam (Uwanja wa Azam Chamazi) na Simba na Coastal Union (Uwanja wa Taifa).

Ratiba kwa ajili ya waamuzi na makamishna kwa mechi 35 za mwanzo tayari imeshatoka. Waamuzi wa kati 16 wameteuliwa kuchezesha mechi hizo huku watatu wakiwa wenye beji za Shirikisho la Kimataifa la Mpira wa Miguu (FIFA).

Makamishna ni 28 huku watathmini wa waamuzi (referees assessors) wakiwa kwenye mechi tano. Watathmini hao ni Charles Mchau, Soud Abdi, Emmanuel Chaula, Army Sentimea na Joseph Mapunda.

HAKI ZA MATANGAZO YA TELEVISHENI

Mpaka sasa hakuna kituo cha televisheni ambacho kimeomba na kushinda tenda ya kuonesha moja kwa moja (live) mechi za Ligi Kuu ya Vodacom. Kwa upande wa vituo vya redio, vyote vimepewa haki ya kutangaza moja kwa moja mechi za ligi hiyo kwa masharti yafuatayo;

Kuitambulisha ligi hiyo kwa jina lake (Ligi Kuu ya Vodacom) wakati wa matangazo hayo ya moja kwa moja, na pia kuweka matangazo ya mdhamini (Vodacom) wakati wakitangaza mechi husika. Hata hivyo, vituo vya redio bado vinaruhusiwa kuendelea kutafuta/kutumia matangazo ya wadhamini wao, lakini ambao si washindani wa kibiashara wa Vodacom.

MECHI YA TOTO AFRICANS VS AFRICAN LYON

Mechi kati ya Toto Africans na African Lyon ambayo kwa mujibu wa ratiba ilikuwa ichezwe Uwanja wa CCM Kirumba jijini Mwanza haitakuwepo, na sasa itapangiwa tarehe nyingine.

Juzi Shirikisho la Mpira wa Miguu Tanzania (TFF) lilipokea barua kutoka kwa wamiliki wa Uwanja wa CCM Kirumba ikieleza kuwa Februari 5 mwaka huu uwanja huo utatumika kwa sherehe za kitaifa za kuzaliwa Chama Cha Mapinduzi (CCM), hivyo hautaweza kutumika kwa Februari 4, 5 na 6 mwaka huu.

imetolewa na Boniface Wambura

Ofisa Habari

Shirikisho la Mpira wa Miguu Tanzania (TFF)

RAIS KIKWETE ATUMA SALAMU ZARAMBI RAMBI KWA SPIKA JUU YA KIFO CHA MBUNGE SUMARI

2012-01-19T15:39:00.003+03:00

Rais Jakaya Kikwete

Rais JAKAYA KIKWETE amemtumia salamu za rambirambi Spika wa Bunge Mheshimiwa ANNE MAKINDA kufuatia kifo cha Mbunge Jimbo la Arumeru Mashariki kupitia Chama Cha Mapinduzi-CCM-Marehemu JEREMIA SUMARI.

Taarifa ya Ikulu imesema Rais amesikitishwa na kuhuzunishwa na kifo hicho ambapo Mheshimiwa SUMARI alikuwa Kiongozi aliyewatumikia vema wananchi wa Jimbo lake na katika utumishi wake ikiwa ni pamoja na kuwahi kuwa Naibu Waziri wa Uchumi na Fedha.

Katika salamu zake za rambirambi Rais KIKWETE amesema wananchi wa Arumeru Mashariki wamepoteza kiongozi wa kutegemewa ambaye pia ameacha pengo kwa Taifa hivyo amewaomba wafiwa kuwa na moyo wa subira katika kipindi hiki kigumu cha maombolezo.

Kufuatia kifo hicho, Familia ya Marehemu imesema Marehemu SUMARI ataagwa keshokutwa jijini Dar es salaam ambapo Jumapili atasafirishwa tayari kwa maziko yanayotarajiwa kufanyika Jumatatu ijayo kijijini kwake huko Akheri Wilaya ya Arumeru Mkoani Arusha.

Naibu Spika wa Bunge Mheshimiwa JOB NDUGAI amesema Marehemu SUMARI amefariki Dunia baada ya kulazwa kwa siku kadhaa katika Hospitali ya Taifa Muhimbili jijini Dar es salaam Kitengo Cha Mifupa-MOI akitokea nchini India alikokuwa akipatiwa matibabu zaidi kutokana na kusumbuliwa na Kiharusi pamoja na Uvimbe kwenye Ubongo.

Msiba upo nyumbani kwa Marehemu huko Mbezi Beach katika Manispaa ya Kinondoni.

Mungu ailaze roho ya Marehemu SUMARI mahali pema peponi Amina{pongezi kubwa kwa Radio Uhuru FM kwa habari hii)

MTEMBEA KWA MIGUU IRINGA AGONGWA NA GARI AFA

2012-01-19T15:11:00.002+03:00

MWANAMKE mmoja mkazi wa Ipogolo mjini Iringa jina lake bado kufahamika amegongwa na gari dogo eneo la shule ya sekondari Ruaha kwemye barabara ya Iringa -Mbeya na kufa papo hapo.

Ajali hiyo imetokea mchana wa leo ambapo mashuhuda wa tukio hilo wamedai kuwa Gari ndilo lililomfuata Mwanamke huyo aliyekuwa aliyekuwa kando kando ya barabara hiyo.

AIBU UVCCM IRINGA KWA KADA WAKE KUFUMANIWA AKIVUNJA AMRI YA SITA

2012-01-19T12:38:00.008+03:00

Je wamjua kada huyo wa UVCCM Iringa mjini ambaye anadaiwa kufumaniwa na ubavu wake akivunja amri ya sita na mwanasheria mmoja ?jiandae kuipata kwa kina zaidi ipo mtamboni

BREAKINGNEWzZzzzzzzz MBUNGE WA CCM JEREMIA SUMARI WA JIMBO LA ARUMERU AMEFARIKI DUNIA

2012-01-19T08:53:00.003+03:00

TAARIFA ya huzuni iliyotua hivi punde katika mtandao huu inadai kuwa mbunge wa jimbo la ARUMERU kupitia Chama cha mapinduzi (CCM) JEREMIA SUMARI amefariki DUNIA Leo.

Mbunge huyo alikuwa amelazwa wodi la Moi katika Hospital ya Taifa Mhimbili kijiji Dar es Salaam hivyo Leo asubuhi Mungu kaamua kuichukua roho yake .

JEREMIA SUMARI ni mbunge wa pili kwa bunge la Jamhuri ya muungano wa Tanzania kufariki kwa mwaka huu 2012 baada ya kutanguliwa na mbunge wa vita maalum Chadema mkoa wa Morogoro Regia Mtema aliyezikwa nyumbani kwake Ifakara Morogoro mazishi yaliyoongozwa na RAIS Jakaya KIKWETE

Mungu azilaze roho za marehemu waheshimiwa wetu mahali pema pepino Amina

Nanzo cha habari hii ni chumba cha habari cha Radio Uhuru Fm

HOT NEWSssssssssss KADA WA CCM IRINGA AFUMWA AKIVUNJA AMRI YA SITA

2012-01-19T08:47:00.002+03:00

NYETI zilizotua hivi punde ndani ya mtaandao huu kutoka mkoani Iringa zinadai kuwa kada maarufu wa UVCCM Mwanamke aliyepata kugombea nafasi ya juu katika Manispaa ya Iringa ili kupata kuwa Mheshimiwa kupitia vijana na kuambulia patupu usiku wa Leo ulikuwa mchungu kwake baada ya kufumwa akiisaliti ndoa yake kwa Kuvunja AMRI ya Sita na mwanasheria wa serikali.

Wataka kujua zaidi endelea kuwa mvumilivu utaipata hap a

TUCTA WAMTAKA RAIS KIKWETE KUVUNJA BUNGE

2012-01-18T16:09:00.000+03:00

CHAMA cha Wafanyakazi nchini (TUCTA), kimemtaka Rais Jakaya Kikwete kulivunja Bunge la Jamhuri ya Muungano wa Tanzania, kwa mdai kwamba limeshindwa kusimamia na kudhibiti matumizi mabaya ya fedha za Umma, badala yake Bunge limegeuka kuwa kinara wa kuidhinisha matumizi makubwa ikiwa ni pamoja na posho kubwa kubwa kwa vigogo Serikalini.

TUCTA imesema, Wabunge wa Bunge la sasa wanaonekana kujali zaidi maslahi yao binafsi, badala ya Watanzania na maendeleo ya taifa kwa ujumla, hivyo chombo hicho kimepoteza sifa ya kuwa mhimili mkuu wa nchi, kwani kimeonekana dhahiri shahiri kushindwa kabisa kuisimamia Serikali kwa mujibu wa sheria za nchi, hivyo Rais hana budi kulivunja na kuitisha Uchaguzi mwingine.

Mwandishi wa mtandao huu kutoka Jijini Mwanza, Sitta Tumma anaripoti kwamba; Kauli hiyo imetolewa hii leo Jijini Mwanza na Katibu wa TUCTA Mkoa wa Mwanza, Ramadhani Mwendwa, wakati alipokuwa akizungumzia na mwandishi wa habari hizi ofisini kwake kuhusu mwenendo wa Bunge na mstakabali maendeleo ya taifa na wananchi wake.

Kwa mujibu wa Mwendwa, wabunge wengi waliopo Bungeni wanaonekana kuwa na lengo la kuwatalawa wananchi wao, na si kuwahudumia na kuwasilisha mawazo yao katika chombo hicho, na kwamba wamekuwa vinara wakubwa wa kuidhinisha matumizi makubwa ya posho zao na vigogo wengine waliopo katika taasisi na Wizara mbali mbali.

"Tanzania ya leo ipo kwenye wakati mbaya sana. Bunge limeshindwa kabisa kuisimamia Serikali juu ya matumizi mabaya ya fedha za umma, badala yake limegeuka kuwa chombo cha kuidhinisha matumizi makubwa posho zao na vigogo wengine Serikalini.

"Wabunge wengi wanaonekana wapo kwa ajili ya maslahi yao bungeni. Hawawajali kabisa wananchi waliowachagua....hivyo tunamuomba sana Rais Kikwete ni bora alivunje hili Bunge maana Watanzania hawatapona kwa mtindo huu wa posho ya 200,000", alisema Katibu huyo wa TUCTA Mkoa wa Mwanza.

Mwendwa ambaye pia ni Katibu wa Chama cha Wafanyakazi wa Taasisi ya Elimu ya Juu, Sayansi, Teknolojia, Habari na Utafiti nchini (RAAWU), Kanda ya Ziwa alikwenda mbali zaidi na kusema: "Kwa sasa Bunge linaonekana kumtumikia kafiri ndiyo maana wameshindwa kuidhibiti Serikali kwa sababu nao wanajali zaidi maslahi yao binafsi".

Alisema, wapo baadhi ya wabunge ni wajumbe wa bodi za taasisi au idara fulani zaidi ya tano, na kwamba kwa hali hiyo wamekuwa wakiwaza vikao tu ili walipane posho, na alitoa angalizo kwa wabunge kuacha mara moja kujipendelea wao wenyewe, bali waishinikize serikali iwalipe mishahara mikuwa watumishi wa Serikali na si kama ilivyo hivi sasa.

Akizungumza kwa kujiamini, Mwendwa alisema nchi yoyote duniani ikiwa na wezi kamwe wananchi wala taifa halitapata maendeleo, na kwamba inavyoonekana hata Rais wa nchi ameshindwa kutekeleza majukumu yake kwa mujibu wa sheria za nchi, hivyo taifa la Tanzania linakabiliwa na ombwe la uongozi na inatakiwa Katiba mpya haraka iwezekanavyo.

"Tumeona Rais Kikwete ameshindwa hata kutoa ufafanuzi wa kama ameidhinisha posho za wabunge sh. 200,000 kwa siku kama ambavyo wanalipwa sasa. Yupo kimya wakati wananchi wake wakimlilia. Kwa hali hii ni dhahiri ameshindwa kutekeleza kabisa majukumu yake", alisema Katibu huyo wa TUCTA Mkoa wa Mwanza.

Hata hivyo, Mwendwa alitumia fursa hiyo kumpongeza Naibu Spika wa Bunge, Job Ndugai kwa kueleza ukweli kupitia habari iliyoandikwa na Tanznaia Daima ya leo, juu ya hali halisi ya nchi na matumizi makubwa ya fedha za walipakodi, na kwamba hoja ya kiongozi huyo inatakiwa kuungwa mkono maana ni ya kizalendo.

Aliitaka pia Serikali kusikiliza kilio cha wafanyakazi wake, ikiwa ni pamoja na kuwaongezea mishahara na marupurupu, na kusema madakrati, walimu, askari polisi, watumishi wa kawaida na hata maofisa kilimo na mifufugo wanalipwa ujira kidogo sana ikilinganishwa na kazi kubwa wanazozifanya kila siku.

Mwisho.

NAIBU WAZIRI WA TAMISEMI ADANGANYWA LUDEWA,MHANDISI AJAZA MAJI KTK TANKI KUFICHA SIRI

2012-01-18T16:01:00.000+03:00

Na Francis Godwin,Ludewa

MBUNGE wa jimbo la Ludewa Deo Filikunjombe asema mhandisi wa maji katika Halmashauri ya wilaya ya Ludewa Christopher Nyandiga amemdanganya naibu waziri wa TAMISEMI Aggrey Mwanri kwa kujaza maji katika tanki linalotumiwa na wananchi wa mji wa Ludewa ili Kumdanganya naibu waziri huyo kwamba wananchi wa Ludewa Mjini hawana kero ya maji.

Naibu Waziri alipofika kwenye tenki hilo alionyeshwa tenki kubwa lililojaa maji pomoni huku maji mengine yakimwagika, hali ulitumia matumaini mhe. Waziri kwamba Ludewa wananchi wa Ludewa Mjini wana 'surplus' ya maji, kitendo ambacho mbunge Filikunjombe alikipinga.

Lengo la mhandisi huyo kujaza tanki hilo maui ni kutaka kumwonyesha naibu waziri huyo kuwa Ludewa kuna maji mengi na wananchi hawana shida ya maji pia kujisifu kwa mradi huo mzuri.

Hatua ya mbunge huyo kubaini udanganyifu huo ilitokana na kilio cha wananchi wa mji wa Ludewa kupeleka malalamiko Yao dhidi ya kero ya maji katika mji huo na kuwa baada ya ziara ya naibu waziri huyo maji yalikuwa yakitoka kutwa nzima na baada ya msafara wa naibu waziri Kwenda kukagua maji eneo la Mdonga mji nzima ulikuwa hauna maji.

Mbunge huyo alisema mhandisi huyo alifunga maji kwa mud a wa Siku tatu ili kuliwezesha tanki Hilo kujaa maji na waziri huyo alipotembelea kukagua mradi huo alikuta maji yamejaa kupita kiasi katika tanki Hilo huku yakimwagika jambo lililomfanya naibu waziri huyo kuamini.

Alisema kuwa sababu ya kumwomba naibu waziri Mwanri kumpa katibu wake ili Kwenda kutazama mradi huo juzi majira ya jioni na kukuta tanki hilo kavu halina maji .

Mbunge huyo alisema kuwa kitendo cha mhandisi huyo wa wilaya kufunga maji kwa mud a wa Siku tatu ili kutaka kumdanganya naibu waziri huyo si cha kimaendeleo bali ni kurudisha nyuma maendeleo ya wananchi wa Ludewa.

"kweli kumdanganya waziri kiasi hiki ni saw a na kumdanganya Rais Jakaya Kikwete ambae amemteua naibu waziri huyo jambo ambalo halipaswi kuvumiliwa "

Alisema kuwa si kweli Kama Ludewa mji wananchi wake wamekuwa walipata maji mud a wote na kuwa moja Kati ya kilio cha wananchi wa mji wa Ludewa ni kupata maji safi ya uhakika .

Kwa upande wake wananchi wa mji wa Ludewa walipongeza hatua ya mbunge wao kufichua udanganyifu huo ambao naibu waziri alifanyiwa na mhandisi huyo wa maji Ludewa Bw .Nyandiga na kuomba TAMISEMI Kuwakataa mahandisi mwenye moyo wa kufanya kazi alisema Jonh Haule

Kwa upande wake naibu waziri huyo Mwanri alisema kuwa ujanja uliofanywa na mhandisi huyo Nyandiga katika kuficha ukweli wa mradi huo wa maji ni ujanja ambao alipata kuugundua wakati alipotembelea mradi huo ila dawa dhidi ya mhandisi huyo ipo jikoni na hatadumu katika wilaya hiyo.

Alisema kuwa hawezi kuacha fedha za serikali zinazotolewa kwa jail ya miradi ya maendeleo zinatafunwa na mchwa wachache katika Halmashauri kama ilivyo katika Halmashauri hiyo ya Ludewa.

Mwanri alisema mhandisi huyo ni vema atambue kuwa kwa utendaji huyo lazima akubali kuondolewa kutokana na kushindwa kazi na kuwa malipo ya udanganyifu na hujuma ya fedha za miradi ya maji ni kuwajibishwa.

Pia Mwanri aliwataka madiwani wa Halmashauri hiyo ya Ludewa kutoendelea kunyamaza kimya na kuacha miradi ya maendeleo ikitafunwa na wajanja wachache.

Mwandishi wa habari hizi alipomfuata Mhandisi Nyandiga kwa ajili ya kuelezea zaidi juu ya mradi huo wa maji ulitumia fedha za serikali zaidi ya shillingi millioni 30 bila kufanya kazi kwa uhakika alisema yeye si msemaji wa Halmasahauri hiyo na hawezi zungumzia suala hilo.
MWISHO

RAIS KIKWETE AZINDUA MADARAJA MAKUBWA MAWILI MOROGORO,LEO KUSHIRIKI MAZISHI YA MBUNGE REGIA MTEMA

2012-01-18T08:21:00.002+03:00

Rais Jakaya Mrisho Kikwete na ujumbe wake na wenyeji wakipita juu ya daraja jipya la Mtombozi, Matombo, Morogoro vijijini alilozindua(picha na Ikulu)

MBUNGE FILIKUNJOMBE AWAKATAA WAHANDISI MBELE YA NAIBU WAZIRI ATAKA NAIBU WAZIRI AONDOKE NAO,KISA UFISADI WA FEDHA ZA MIRADI

2012-01-18T00:48:00.007+03:00

Mbunge wa jimbo la Ludewa Deo Filikunjombe (kushoto) akimwomba naibu waziri wa Tamisemi Aggrey Mwanri kulia kuondoka na mhandisi wa ujenzi na maji wa wilaya ya Ludewa kwa madi ni mchwa katika wilaya hiyo ya Ludewa
Huu ni mradi wa umwagiliaji uliojengwa katika kata ya Lifua kwa zaidi ya milioni 500 ila maji hakuna na haufanyi kazi pamoja na kukabidhiwa kwa Halmashauri ya Ludewa ,maradi mbao naibu waziri wa Tamisemi ameukataa na kutaka mkoa kuunda tume kuchunguza wizi huo,mradi huo ulibainika baada ya kufanya ziara ya ghafla ambayo haikuwepo katika ratiba
Daraja na Manda likiwa limevunjika kabla ya kuanza kutumika na limetumia zaidi ya mamilioni ya shilingi za wafadhili kutoka Japani hali iliyomchukiza mbunge na kutaka mhandisi wa ujenzi kuondoka wilaya hiyo.
Hili ndilo daraja la manda lililochakachuliwa kwa kujengwa kwa mamilio ya shilingi bila kutumia baada ya kusobomoka kabla ya kuanza kutumika,kweli ufisadi hauta kwisha
Naibu waziri wa Tamisemi na viongozi wakikagua daraja jipya linalojengwa mto manda baada lile la awali kubomoka bila kutumika
Mfereji wa kifisadi wa LIfua ambao umejengwa kwa ajili ya kilimo cha umwagiliaji bila kutimika kwa miaka miwili sasa
naibu waziri wa Tamisemi Mhe.Mwanri kulia akimwonyesha ubovu wa majengo ya umma mhandisi wa ujenzi Ludewa Bw Rashid Mtamila,kushoto
naibu waziri wa Tamisemi Mwanri katikati akiwa na mhadisi wa maji Bw. Nyandiga ambaye pia hatakiwi Ludewa (kulia)

BAADA ya naibu waziri ofisi ya waziri mkuu Tamisemi Aggrey Mwanri kuukataa mradi wa umwagiliaji katika kata ya Lifua wilayani Ludewa uliojengwa kwa zaidi ya shilingi milinio 500 bila kufanya kazi kutoka na kubomoka kabla ya muda na ule wa ukarabati wa nyumba ya mganga kata ya Lupanga iliyokarabatiwa kwa kiasi cha shilingi milioni 7 ,mbunge wa jimbo la Ludewa acharuka mbele ya naibu waziri amkataa mhandisi wa maji na mhadisi wa ujenzi ataka naibu waziri kuwapeleka jimboni Kwake ama jimbo la waziri mkuu Mizengo Pinda.

Mbunge Filikunjombe aliwakataa wahandisi hao wawili Christopher Nyandiga wa maji na mhandisi wa ujenzi Rashid Mtamila katika ukumbi wa Halmashauri ya wilaya ya Ludewa wakati wa majumuisho ya ziara ya siku mbili ya naibu waziri huyo katika kutembelea miradi ya kimaendeleo katika wilaya hiyo ya Ludewa.

Mbunge Filikunjombe alimweleza naibu waziri huyo kuwa wilaya ya Ludewa imegeuzwa kuwa ni shamba la bibi kwa baadhi ya viongozi wasio waadilifu ambao wamekuwa wakitumia vibaya nafasi zao kwa kuhujumu miradi ya kimaendeleo inayoibuliwa katika wilaya hiyo.

Alisema kuwa kila wakati amekuwa akiwaonya watumishi wa wilaya ya Ludewa kufanya kazi yao kwa uadilifu ila baadhi yao wameshindwa kabisa kuonyesha uaminifu katika utendaji wa kazi yao.

“Viongozi wenzangu na madiwani wangu wapo walionifuata kutaka niwatetee kwa uozo huu ila nasema heri kulaumiwa kwa kusimamia ukweli na kupinga ufisadi unaofanyika katika wilaya ya Ludewa ila nipo tayari kuendelea kufanya kazi na viongozi waadilifu “

Alisema kuwa wahandisi hao wameendelea kuwa kikwazo kikubwa katika wilaya ya Ludewa na kuwa miradi mbali mbali inayosimamiwa katika wilaya hiyo imekuwa ni mibovu na haina sifa japo imetumia fedha nyingi zaidi .

Mapema asubuhi naibu waziri huyo alifanya ziara ya ghafla ambayo haikuwepo katika ratiba katika banio la mradi wa umwagiliaji wa Lifua ambalo umejengwa na kampuni ya Summer Communication kwa kiasi cha zaidi ya shilingi milioni 357 toka mwaka 2009/2010 bila kufanya kazi .

Kitoa taarifa ya mradi huo mbele ya naibu waziri Mhandisi wa maji wilaya ya Ludewa Nyandiga alisema kuwa awamu ya kwanza ilitumia kiasi cha shilingi milioni 357,262,990 na mradi huo kukabidhiwa kwa Halmashauri toka mwaka 2010 japo hautumiki kutokana na kuvujisha maji.

Wakati awamu ya pili mradi ulijengwa na kampuni ya Tan Direct Co.Ltd ya Dar es salaam kwa gharama ya shilingi milioni 227,613,136.15 kwa kazi ya kujenga mfereji wenye urefu wa mita 1725,usakafiaji wa eneo la kuingia na kutoka kwenye daraja hilo ,ujenzi wa vigawa maji vinne na ujenzi wa vianguko vya maji vinne na ujenzi wa kivusha maji kimoja na kuwa hadi sasa mkandarasi huyo amelipwa asilimia 64.9 ya fedha zote na kazi hiyo imefanyika kwa asilimia 73.2

Akimhoji mkandarasi huyo naibu waziri huyo Mwanri alimtaka kueleza sababu ya kulipa mamilioni ya fedha katika mradi huo bila kufanya kazi na hauna maji katika kipindi hiki cha masika ,mhandisi huyo alikana kuwa yeye si msanifu wa mradi huo hivyo hawezi kujibia swali hilo.

Akitoa majumuisho yake na maombi ya mbunge Filikunjombe ya kutaka wahandisi hao kuondolewa katika wilaya hiyo ya Ludewa naibu waziri huyo alisema suala hilo linawezekana kwani pia kwa upande wake hajapendezewa na ufisadi mkubwa uliofanyika katika miradi hiyo.

WALIMU WAFICHA WANAFUNZI KICHAKANI BAADA YA KUFUMWA NA NAIBU WAZIRI WAKITUMIKISHA WANAFUNZI

2012-01-17T18:50:00.008+03:00

Mwalimu wa shule ya msingi Luilo kata ya Lifua wilaya ya Ludewa mwalimu Mgaya akipita katika eneo ambalo wanafunzi walikuwa wakilima na kuacha majembe na kukimbia kujificha
Msafara wa naibu waziri wa tamisemi Aggrey Mwanri ukipita eneo ambalo wanafunzi walikuwa wakilima
Naibu waziri wa Tamisemi akiwahoji walimu na wanafunzi waliokuwa wakiwatumikisha watoto wa shule mida ya masomo leo Mwanafunzi wa shule ya Msingi Luilo Ludewa akiwa amebeba majembe baada ya naibu waziri wa Tamisemi Aggrey Mwanri kuagiza warudi madarasani leo asubuhi
Wanafunzi wa shule ya Msingi Luilo Ludewa wakiwa wamejificha katika kichaka pamoja na walimu wao kumkwepa naibu waziri wa Tamisemi Aggrey Mwanri leo
Wanafunzi wa shule ya msingi Luilo kata ya Lifua wilaya ya Ludewa wakilima shamba la shule mida ya masomo majira ya saa 3 asubuhi leo baada ya kufanya ziara ya ghafla eneo hilo

Mbunge Filikunjombe aliwakataa wahandisi hao wawili Christopher Nyandiga wa maji na mhandisi wa ujenzi Rashid Mtamila leo katika ukumbi wa Halmashauri ya wilaya ya Ludewa wakati wa majumuisho ya ziara ya siku mbili ya naibu waziri huyo katika kutembelea miradi ya kimaendeleo katika wilaya hiyo ya Ludewa.

Mbunge Filikunjombe alimweleza naibu waziri huyo kuwa wilaya ya Ludewa imegeuzwa kuwa ni shamba la bibi kwa baadhi ya viongozi wasio waadilifu ambao wamekuwa wakitumia vibaya nafasi zao kwa kuhujumu miradi ya kimaendeleo inayoibuliwa katika wilaya hiyo.

Alisema kuwa kila wakati amekuwa akiwaonya watumishi wa wilaya ya Ludewa kufanya kazi yao kwa uadilifu ila baadhi yao wameshindwa kabisa kuonyesha uaminifu katika utendaji wa kazi yao.

“Viongozi wenzangu na madiwani wangu wapo walionifuata kutaka niwatetee kwa uozo huu ila nasema heri kulaumiwa kwa kusimamia ukweli na kupinga ufisadi unaofanyika katika wilaya ya Ludewa ila nipo tayari kuendelea kufanya kazi na viongozi waadilifu “

Alisema kuwa wahandisi hao wameendelea kuwa kikwazo kikubwa katika wilaya ya Ludewa na kuwa miradi mbali mbali inayosimamiwa katika wilaya hiyo imekuwa ni mibovu na haina sifa japo imetumia fedha nyingi zaidi .

Mapema asubuhi naibu waziri huyo alifanya ziara ya ghafla ambayo haikuwepo katika ratiba katika banio la mradi wa umwagiliaji wa Lifua ambalo umejengwa na kampuni ya Summer Communication kwa kiasi cha zaidi ya shilingi milioni 357 toka mwaka 2009/2010 bila kufanya kazi .

Kitoa taarifa ya mradi huo mbele ya naibu waziri Mhandisi wa maji wilaya ya Ludewa Nyandiga alisema kuwa awamu ya kwanza ilitumia kiasi cha shilingi milioni 357,262,990 na mradi huo kukabidhiwa kwa Halmashauri toka mwaka 2010 japo hautumiki kutokana na kuvujisha maji.

Wakati awamu ya pili mradi ulijengwa na kampuni ya Tan Direct Co.Ltd ya Dar es salaam kwa gharama ya shilingi milioni 227,613,136.15 kwa kazi ya kujenga mfereji wenye urefu wa mita 1725,usakafiaji wa eneo la kuingia na kutoka kwenye daraja hilo ,ujenzi wa vigawa maji vinne na ujenzi wa vianguko vya maji vinne na ujenzi wa kivusha maji kimoja na kuwa hadi sasa mkandarasi huyo amelipwa asilimia 64.9 ya fedha zote na kazi hiyo imefanyika kwa asilimia 73.2.

Akimhoji mkandarasi huyo naibu waziri huyo Mwanri alimtaka kueleza sababu ya kulipa mamilioni ya fedha katika mradi huo bila kufanya kazi na hauna maji katika kipindi hiki cha masika ,mhandisi huyo alikana kuwa yeye si msanifu wa mradi huo hivyo hawezi kujibia swali hilo.

Akitoa majumuisho yake na maombi ya mbunge Filikunjombe ya kutaka wahandisi hao kuondolewa katika wilaya hiyo ya Ludewa naibu waziri huyo alisema suala hilo linawezekana kwani pia kwa upande wake hajapendezewa na ufisadi mkubwa uliofanyika katika miradi hiyo.

MBUNGE FILIKUNJOMBE AMPONGEZA NAIBU WAZIRI KUMSAIDIA KUIBUA MADUDU LUDEWA

2012-01-17T07:33:00.003+03:00

Naibu waziri wa Tamisemi Mhe.Aggrey Mwanri (katikati) akimtambulisha mbunge wa jimbo la Ludewa Deo Filikunjombe kushoto ,rafiki yake mwalimu Steven Alen Memba ambaye alipoteana nae toka mwaka 1980 na sasa yupo kata ya Lifua Ludewa

MBUNGE wa jimbo la Ludewa mkoa mpya wa Njombe Deo Filikunjombe amesema kuwa ufisadi ambao naibu waziri wa TAMISEMI ameuona jana katika miradi ya maendeleo wilayani Ludewa ni matokeo ya kazi yake ambayo allianza baada ya kuchaguliwa kuwa mbunge wa jimbo Hilo na watumishi wa Halmashauri hiyo walionyesha kumpuuza ila sasa wameumbuka.

Alisema kuwa Kila wakati amekuwa akiwataka watumishi na wakuu wa Idara katika wilaya ya Ludewa kufanya kazi kwa uaminifu na kuepuka kuigeuza wilaya hiyo kuwa shamba la bibi kwa kutafuna fedha za miradi ya maendeleo ila hakuna aliyesikia kilio hicho na sasa wamepatikana baada ya ziara hiyo ya naibu waziri wa Tamiseni Aggrey Mwanri.

Mbunge Filikunjombe alisema katika mikutano Yake mingi na ziara zake za Kutembelea miradi ya maendeleo katika wilaya hiyo akiwa na baadhi ya wakuu wa Idara alipata kuwaonya kuepuka kujenga miradi chini ya kiwango Kwani kufanya hivyo ni kuwakomoa wananchi wa Ludewa ambao wanategemea miradi hiyo kwa maendeleo yao.

"Nilipata kuwakemea Mara kwa Mara haw a watendaji wa Halmashauri ya Ludewa hawakunisikiliza na kujiona wao ni Sawa na sikio la kufa lisilo sikia dawa ila sasa wamekutana na mkubwa wao ....Mwanri kweli nampongeza naibu waziri huyo wa TAMISEMI kwa kufanya kazi vema ya Kuibua ufisadi mkubwa katika miradi ya maendeleo ....napenda kusema kuwa iwapo mawaziri wote wa JK watafanya ziara za Mara kwa Mara Ludewa haw a mchwa katika miradi ya maendeleo watakwisha"

Kwani alisema wilaya ya Ludewa itaendelea kujengwa na watumishi wenye maadili ya utumishi wa umma na wale walioshindwa kuzingatia maadili ya utumishi wa umma ni vema wakaomba kuhamishwa katika wilaya hiyo na kuwaacha wenye uchungu wa kweli wa kuifanya wilaya hiyo kusonga mbele zaidi.

Mbunge Filikunjombe alisema kuwa utendaji mbovu wa baadhi ya watumishi wa Halmashauri ya wilaya ya Ludewa Ndio unaochangia kurudisha nyuma maendeleo ya wilaya hiyo ya Ludewa na kuwaonya watumishi wasio waadilifu kujirekebisha na pale wanaposhindwa kufanya kazi ya kuwatumikia wananchi kwa uadilifu ni vema kuomba uhamisho ama kuachana na utumishi wa umma Kwani kamwe hawezi kuvulimia watumishi wachache wakiendelea kutafuna fedha za wananchi wa Ludewa.

Kwa upande wake Naibu waziri Mwanri alimpongeza mbunge huyo wa Ludewa Filikunjombe kuwa ni mmoja Kati ya wabunge ambao wamekuwa mbele katika kupigania Maendeleo kwemye marimba Yao na kuwa wananchi wa Ludewa wanapaswa Kuendelea kutoa ushirikiano kwa mbunge wao huyo ili kuiwezesha Ludewa kusonga mbele katika maendeleo na Kuahidi kuwa ofisi yake itakuwa mbele kupigania maendeleo ya Ludewa.

waziri Mwanri alisema kuwa sehemu yoyote itakapo jitokeza hoja ya fedha za Ludewa kwa ajili ya maendeleo atahakikisha anatetea kwa nguvu zote ili wilaya hiyo ya Ludewa iweze kusonga mbele zaidi .

Aidha alisema kuwa wizara yake haitakubali kuona fedha za miradi katika wilaya hiyo zinatafunwa na kutaka idara inayoongoza kwa usimamizi mbaya wa fedha za umma kuwa ni idara ya ujenzi na kuwa idara hiyo imeonyesha kuchakachua fedha nyingi za maendeleo.

MWANRI AONYA VIONGOZI LUDEWA KUWA MAKINI NA USIMAMIZI WA MIRADI

2012-01-16T17:30:00.001+03:00

Naibu waziri wa Tamisemi Aggrey Mwanri akiingia chini ya kalavati kuchunguza wizi wa mkandarasi alioufanya katika barabara ya Lusitu baada ya kudaiwa kujenga chini ya kiwango
Mwanri akijiandaa kuingia katika mtaro kuhakiki ujenzi wa barabara Ludewa ,ni viongozi wachache sana wanaofuatilia mambo kama hivi
Mbunge wa jimbo la Ludewa Deo Filikunjombe aliyesimama akimtazama naibu waziri Tamisemi Mhe.Mwanri akipima urefu wa barabara iliyochakachuliwa badala ya kuwekwa upana futi 7 imewekwa 6
Hapa akibaini uchakachuaji uliofanywa na mkandarasi katika kuibana barabara hiyo
Mbunge wa jimbo la Ludewa Deo Filikunjombe akimvuta naibu waziri wa Tamisemi kutoka katika mtaro baada ya kujihakikishia mwenyewe wizi uliofanywa na mkandarasi

NAIBU waziri wancho ofisi ya waziri mkuu serikali za mitaa na serikali za mikoa (TAMISEMI) Aggrey Mwanri ameibua madudu ya kutisha katika miradi ya ujenzi wa nyumba na barabara za wilaya ya Ludewa mkoa mpya wa Njombe na kuonya viongozi wa Halmashauri hiyo kuwa makini na Wizi wa fedha za serikali unaofanywq katika idara ya ujenzi katika wilaya hiyo ya Ludewa.

Akizungumza na viongozi wa Halmashauri ya Wilaya ya Ludewa baada ya kukagua ujenzi wa nyumba za watumishi wa Halmashauri hiyo ,kabla ya kuwahotubia wananchi wachache katika viwanja via stendi kuu ya Ludewa,Mwanri alisema kuwa pamoja na kuwa wilaya hiyo ya Ludewa bado inakabiliwa na changamoto mbali mbali za kimaendeleo ila bado idara hiyo ya ujenzi katika Halmashauri hiyo inaongoza kwa utendaji mbovu na usimamizi mbaya wa fedha za miradi.

Mwanri ambaye leo alilazimila kuwafuata wananchi wa mji wa Ludewa stendi baada ya uwanjani ambako viongozi wa Ludewa waliandaa mkutano wake kukosa watu,alisema kuwa baada ya Kutembelea miradi ya barabara na nyumba za watumishi katika wilaya hiyo ya Ludewa alibaini kuwepo kwa uchakachuaji mkubwa wa fedha za umma.

Kwani alisema kuwa pamoja na jitihada kubwa zinazofanywa na mbunge wa jumbo hilo la Ludewa Deo Filikunjombe katika kulipigania jimbo hilo na wilaya ya Ludewa ili lisonge mbele kimaendeleo ila bado baadhi ya watumishi wamegeuza wilaya hiyo ni sehemu ya wao kuchuma fedha za miradi na kutumia kujineemesha wao.

Alisema kuwa pamoja kuwa Halmashauri mbali mbali zina mchwa ambao wanatafuna fedha za miradi ila kuwa Ludewa inatisha kuona nyumba na barabara zinajengwa chini ya kiwango wakati mhandisi wa wilaya yupo na anaendelea kutazama bila kuchukua hatua.

Pia alisema kuwa tatizo kubwa na mambo Kwenda holela katika wilaya hiyo hasa katika usimamizi wa miradi ya ujenzi wa miradi ni katakana na mhadisi kutokuwa makini na kushinda ofisini badala ya Kwenda kusimamia miradi hiyo.

Hat a hivyo Mwanri alisema katika ziara yake hiyo alipata Kutembelea barabara ya Lusitu ambayo alidai kuwa mkandarasi aliyejenga amejenga chino ya kiwango kutokana na kufinya mita kutoka mita 7 halali hadi mita Kati ya 6 na 5 na nusu na kuagiza mhandisi wa ujenzi katika wilaya hiyo kumtafutia BOQ na mkataba wa ujenzi wa barabara hiyo.

Kwa upande wake mbunge wa jimbo la Ludewa Deo Filikunjombe akimshukuru naibu waziri huyo Mwanri alisema kuwa naibu waziri huyo amekuwa ni kiongozi wa pekee wa kitaifa kufanya ziara katika wilaya hiyo katika kipindi hike cha masika na kudai. Kuwa iwapo viongozi wote wa kitaifa wataiga mfano wa Mwanri Kutembelea wilaya hiyo masika upo uwezekano wa wilaya hiyo kupiga hatua katika maendeleo.

Alisema kuwa Ziara ya Mwanri katika wilaya ya Ludewa imekuwa ya matumaini makubwa katika wilaya ya Ludewa baada ya kubaini kasoro mbali mbali katika miradi na kuwa iwapo kasoro hizo zitafanyiwa kazi wilaya ya Ludewa itapiga hatua katika maendeleo na kuwa kwa upande wake ataendelea kuwatumikia wananchi hao kwa nguvu zake zote.
MWISHO

NAIBU WAZIRI MWANRI AIKATAA NYUMBA ILIYOKARABATIWA KIFISADI ,ASEMA LUDEWA SI SHAMBA LA BIBI

2012-01-16T16:33:00.001+03:00

Ziara ya ghafla ya naibu waziri Mwanri kwenda kufichua ufisadi wa kutisha Lupanga kwa kukataa nyumba ya mganga iliyochakachuliwa ujenzi wake
Hii ni nyumba mpya ambayo bado inajengwa ila inavuja mabati yamechakaa kabla ya kuanza kutumika ipo Lupanga Ludewa ,naibu waziri hapa akitamani kutoa machozi kwa wizi huu wa kutisha
Hii ni nyumba mpya ambayo bado haijakamilika kujengwa ila imechoka mbaya haina tofauti na pagale Maajabu nyumba mpya ya mganga Lupanga Ludewa imechakaa kabla ya kuanza kutumika imekarabatiwa kwa Tsh,milioni 7 za serikali kupitia mradi wa Mamu
Hizi ndizo bati zenyewe zikiwa zinavuja kupitia kiasi,kweli Ludewa ni shamba la bibi
Kuta za nyumba hiyo kwa nje zikiwa zimepigwa lenda ila ndani lenda hakuna

NAIBU waziri wa nchi ofisi ya waziri mkuu anayeshughulika na serikali za mitaa na tawala za mikoa (TAMISEMI) Aggrey Mwanri amevunja ratiba iliyoandaliwa na viongozi wa wilaya ya kumtembeza katika miradi isiyo na matatizo na kuomba kupelekwa katika mradi wa ukarabati wa nyumba ya mganga wa zahanati Lupanga na kubaini ufisadi wa kutisha na kuagiza wilaya kusimamisha Mara moja ukarabati wa nyumba hiyo.

Naibu waziri huyo alifanya ziara hiyo leo katika wilaya ya Ludewa na kuonyesha kuwashangaza viongozi wa wilaya ya Ludewa baada ya kuivunja ratiba iliyopangwa na kuomba kupelekwa katika mradi huo ambao fedha zake kiasi cha shilingi milioni 7 zilizotengwa kukarabati nyumba hiyo kuonyesha kuchakachuliwa kutokana na mkandarasi kuezeka bati chakavu katika jengo hilo na kujengwa kuta kwa tope.

Akitoa maagizo kwa mkuu wa wilaya ya Ludewa Georgena Bundala baada ya kukagua ujenzi huo ambao mkandarasi wake Bw.Chanzy Mgaya kudai kuugua ghafla na kukimbizwa katika zahanati ya Mlangali katakana na kupata taarifa ya ugeni wa ghafla katika eneo lake la kazi .

Mwanri alisema kuwa amelazimika Kutembelea katika eneo hilou la ujenzi wa nyumba ya mganga bila ya kuwajulisha viongozi wa wilaya mapema baada ya kupokea taarifa za uchakachuaji wa kazi hiyo kutoka kwa wasamaria wema na taarifa kutoka katika ofisi za Tamisemi hivyo kulazimika kutoka eneo hilo.

Naibu waziri huyo alisema kuwa hatua ya kumwagiza mkuu huyo wa wilaya ya Ludewa na mkurugenzi kusimamisha Mara moja ujenzi huo ni baada ya kutorizishwa na kiwango cha ujenzi huo.

Alisema kasoro kubwa aliyoiona katika ujenzi huo ni jengo hilo kuja kubomoka kabla ya mganga husika kuanza kulitumia katakana na ujenzi wake kujengwa holela na kuwa mbaya zaidi nyumba hiyo inajengwa bila kuwekwa Lenda na kuwa mkandarasi huyo ameshindwa kujengwa nyumba kwa kiwango na kuwa hat a bati zinazotumika ni chakavu ambazo zimeanza kuvuja kabla ya nyumba kumalizika.

Hivyo alisema kuwa ni vema viongozi wa wilaya ya Ludewa wakachukia kwa yeye kusimamisha ujenzi wa nyumba hiyo ila fedha za umma zisitumike vibaya.

Kwa mujibu wa ratiba ya wilaya naibu waziri huyo alipaswa kapokelewa eneo la Lusitu majira ya saa 3.00 asubuhi ila naibu huyo alifika eneo hilo saa 2.23 asubuhi na kupokelewa na mbunge wa jimbo hilo la Ludewa Deo Filikunjombe na katibu mwenezi wa CCM wilaya ya Ludewa Felix Haule ambao walikuwa katika msafara huo huku viongozi wa wilaya na madiwani wakifika eneo hilo na kumkuta naibu waziri huyo na msafara wake kutoka mkoani Iringa wakiwasubiri.

Pia ratiba ilikuwa ikionyesha kuwa baada ya naibu waziri huyo kukagua barabara ya Lusitu - Madilu na mradi wa umwagiliaji wa Mkiu msafara wake Ungeelekea Mlangali kukagua chumba cha upasuaji ila hakufanya hivyo aliomba msafara wake kuchepuka njiani Kwenda kijiji cha Lupanga kuona ukarabati wa nyumba hiyo ya mganga ambao katika ratiba haikuwepo.

Makamu mwenyekiti wa Halmashauri ya Ludewa Monica Mchilo alimweleza naibu waziri huyo kuwa mkanadarasi huyo Mganya amekarabati nyumba hiyo kinyume na maagizo ya Baraza la madiwani na kuwa k kurudishia mabati chakavu katika nyumba hiyo.
,
Huku mbunge wa jimbo la Ludewa Deo Filikunjombe akimpongeza naibu waziri huyo kuwa kufanya ziara ya katika wilaya hiyo katika kipindi hike cha masika ambacho viongozi wengi wa kitaifa huwa hawafiki Ludewa.

ABIRIA WA COSTA YA MBENDE SAFARI'S WALIA NA ONGEZEKO LA NAULI TSH.500

2012-01-15T20:30:00.002+03:00

Abiria wa costa ya Mbande safari inayofanya safari zake Kati ya Mbeya na Njombe watofautiana ongezeko la nauli ya TSH.500 wadai mchana wanalipa TSH 1500 sasa usiku wanatozwa 2000 waomba msaada kwa RTO IRINGA

POLE SANA MPIGANAJI MJENGWA

2012-01-15T18:44:00.002+03:00

Ndugu zangu,
Hizi si habari njema. Juzi alhamisi kunako saa kumi na mbili na nusu asubuhi nilipatwa na balaa la barabarani.
Ilikuwaje? Niliondoka Iringa Jumatano jioni kuelekea kijijini kwetu Nyeregete. Nilifika Madibira, Mbeya jioni ya saa kumi na mbili na nusu. Kwa vile giza lilikaribia, nikaamua kulala kijijini Mahango, nyumbani kwa ndugu yangu aitwaye Salim Raphael Mjengwa.

Alfajiri tukaondoka pamoja maana naye alitamani kufika kijijini Nyeregete kumsalimu baba yake mzazi. Tukiwa katikati ya pori eneo la Ikoga kuelekea mji wa Rujewa nikabaini gari iliyokuwa ikija nyuma yetu kwa mwendo wa kasi.

Nikamwambia ndugu yangu Salim juu ya uwepo wa gari nyuma yetu. Akaniambia kuwa ni basi dogo la abiria. Kupitia sight mirror nikamwona dereva wa nyuma yangu akijaribu kunipita mahali pasipostahili na kwa mwendo wa kasi. Kwa vile barabara ilikuwa ni nyembamba sana , basi, akalazimika kukatisha jaribio la kunipita.

Baada ya mwendo wa nusu kilomita hivi nikapaona mahali muafaka pa kuegesha gari yangu pembeni kumruhusu apite. Nikawasha indiketa, nikaweka gari yangu pembeni.
Dereva yule akapita na kusimamisha gari yake katikati ya barabara. Akatoka kunifuata. Nami nikaanza kujiandaa kufungua mlango na mkanda wangu ili nitoke tuongee.
Kabla hata sijafungua mlango, yeye akauvuta mlango wangu na kunishambilia kwa ngumi usoni. Nikainamisha uso wangu kwenye usukani. Nikasikia pia ndugu yangu Salim akitamka; " Seme unafanya nini?" Salim alimfahamu kwa jina dereva huyo, anaitwa Seme.

Mara, dereva mwenzangu akaacha kunishambulia na kunitukana. Nikainua kichwa. Nikamwona akiondoka huku kundi la vijana waliokuwa abiria wake nao wakirudi kwenye gari lao. Walikuja kushiriki shambulizi dhidi yangu.

Walikuwa na dhamira mbaya sana. Kama si uwepo wa ndugu yangu Salim ambaye wote walimtambua hadithi ingekuwa nyingine.

Tulipofika Rujewa nikaripoti tukio hilo kituo cha Polisi Mbarali. Dereva mwenzangu naye akafika kituoni. Afande Mwamakula, ambaye ni mkuu wa kituo aliweka wazi kuwa alichofanya dereva yule ilikuwa ni jinai.

Kwa vile nilihitajika kufika kijijini kumwona mgonjwa aliye taabani. Na kwa vile nilihitajika kurudi Iringa kupokea ugeni kutoka Ubalozi wa Sweden. Na kwa vile dereva yule alikiri kosa lake na kuniomba radhi. Na kwa vile dereva yule aliweka wazi kuwa ni msomaji wa makala zangu, basi, nikaamua kutoendelea na shauri lile. Nilimsamehe kwa kumwambia; hupaswi kufanya tendo kama lile kwa mtu yeyote yule. Ule haukuwa uungwana.
Wenu,
Maggid Mjengwa,
Iringa.

Mtandao huu wa www.francisgodwin.bloodspot.com unapenda kuto pole kwa MPIGANAJI wetu Mjengwa kwa mkasa huu

POLE SANA MPIGANAJI MJENGWA

2012-01-15T18:44:00.000+03:00

TIMU YA MADIWANI WA VITI MAALUM LUDEWA YAJIKAKAMUA YACHAPWA 12-6 NA MADENTI WA SEKONDARI

2012-01-15T18:04:00.003+03:00

Kikosi cha timu ya madiwani wa Halmashauri ya Ludewa kikiongozwa na makamu mwenyekiti Monica Mchilo jumapili ya Leo imekuwa ya kihistoria Kwao baada ya kujiaminisha kucheza Mechi ya kirafiki na madenti wa sikuli ya sekondari na shule sikuli za Msingi mini Ludewa na kuambilia kichapo cha magoli 12 -6 .

Mechi hiyo ambayo ni mkakati wa mbunge wa Jimbo hilo Mheshimiwa Deo Filikunjombe kupania kuhamasisha maendeleo kupitia michezo ,ilipangwa kuchezwa na watumishi wa Ludewa ambao wao na mkurugenzi wao Hilda Lauwo wamekwepa aibu na kuingia mitini na hivyo kuilazimu timu hiyo ya madiwani kukusanya madenti na kujikakamua kwa kuwafunga Goli 6 Kati ya 12 walizoazibiwa wao.

Madiwani hao ambao baadhi ni wajumbe wa mkutano wa UWT wilaya ya Ludewa waliimgia uwanjani kucheza huku wakiwa wamezawadiwa jembe na blanketi na mbunge wao wa vita maalum mkoa wa Njombe Pindi Chana (CCM) jana kabla ya wanahabari kutimuliwa katika kikao hicho na kutolewa kwa zawadi hizo Zenye sura ya utata kuwa iweje wapewe majembe na mablanketi sasa .

......Zipo Siri nzito za msaada huu wa mbunge wao na mjumbe wa NEC endelea Kutembelea mtandao huu utazipata.....

Kwa sasa wadau nipo Maafinga naitafuta Makambako ni saa 12.22 kwa Masaa ya Afrika

NIMEONDOKA IRINGA JIONI HII NA BASI LA HOOD KWENDA MKOA MPYA WA NJOMBE KIKAZI ZAIDI

2012-01-15T17:45:00.003+03:00

Taarifa kwa wadau wangu ,baada ya kushiriki ibada katika Kanisa la Kilutheri Iringa mjini na kupata tamko la Kanisa juu ya Sakata la Askofu DKT MDEGELLA na Waumini wake jioni hii nimeanza safari ya kuelekea mkoani Njombe Kikazi zaidi kwa Kwenda kuungana na naibu waziri waTamisemi katika ziara yake mkoani Njombe ,habari juu ya ziara utazipata kesho,

Kwa sasa tupo maeneo ya Ifunda tumaitafuta Mafinga japo mvua ni kubwa Sana inanyesha hivi sasa

LAIVU -SAKATA LA MGOGORO WA KKKT DAYOSISI YA IRINGA LIMEMALIZIKA RASMI

2012-01-15T10:12:00.003+03:00

Mgogoro uliokuwepo Kati ya baadhi ya Waumini wa Kanisa la kiinjili la Kilutheri Tanzani (KKKT) dayosisi ya Iringa na askofu wao DKT Mdegela limemalizika rasimi na wote waliohusika kulichafua Kanisa wamesamehewa na askofu DKT Mdegela ametangaza msamaha kwa wote.

............Habari zaidi na picha itakujia hivi punde......

ASKOFU DKT MDEGELA AKABIDHI SHUGHULI ZA IBADA KWA TIMU YA MAASKOFU

2012-01-15T10:06:00.003+03:00

Ibada ya katika Kanisa la kiinjili la Kilutheri Tanzania (KKKT) usharika wa Kanisa kuu dayosisi ya Iringa imeanza kwa utaratibu tofauti ndani ya ibada hii iliyoitwa ni ibada maalum .

Baadhi ya mambo Kama ungamo limesogezwa mbele ,Waumini wapigwa butwaa mabadiliko ya ghafla ya ibada wengi wasubiri kujua kitakachojiri mwisho wa ibada hii maalum

.........endelea kuvuta subira mdau wangu............

LAIVU- IBADA YA KANISA LA KILUTHERI DAYOSISI YA IRINGA , SAKATA LA ASKOFU DKT MDEGELLA KUJULIKANA

2012-01-15T09:50:00.003+03:00

Habari za jumapili mdau wa mtandao huu ,

Kwa Leo nimepata kushiriki ibada katika Kanisa la kiinjili la Kilutheri Tanzania ( KKKT) usharika wa KANISA kuu Dayosisi ya Iringa ambako hali ya mwonekano wa Kanisa Hilo kwa Leo Kama kuna kauli nzito itatolewa Kwani idadi ya wachungaji waliofika Leo tofauti na lie iliyozoeleka na zipo tetesi kuwa ule mgogoro uliodumu Kati ya baadhi ya wachungaji na wazee wa kanisa katika dayosisi hiyo dhidi ya Askofu wao DKT Mdegela likatolewa jibu Leo.

Vuta subira utajulishwa katika mtandao huu Mara tu jambo jipya litakapokuja,kwa sasa bado ibada kuanza

RAIS KIKWETE AKUMBUSHWA AHADI YAKE YA MKOA WA NJOMBE KUANZA KABLA YA JANUARI 2012

2012-01-14T14:53:00.003+03:00

Raisa Jakaya Kikwete

WANANCHI na viongozi wa mkoa mpya wa Njombe wamehoji sababu ya Rais Jakaya kikwete kushindwa kutekeleza ahadi yake ya kuanza kwa mkoa mpya wa Njombe kabla ya januari 2012 .

Mbunge wa jimbo la Ludewa Deo Filikunjombe alisema kuwa alitegemea ahadi ya Rais Kikwete aliyoitoa wakati wa ziara yake mkoani Iringa mwishoni mwa mwaka jana kuwa maandalizi ya mkoa mpya wa Njombe yamekamilika na kuwa kabla ya Januari 2012 mkoa huo utakuwa umeanza ingetekelezwa kwa wakati ili kuwapa matumaini wananchi wa mkoa huo.

Filikunjombe alisema kuwa matumaini ya wana Ludewa kuanzishwa kwa mkoa huo wa Njombe kwa kuwa na mkuu wa mkoa kutasaidia kumaliza kilio chao cha ubovu wa miundo mbinu kwa serikali kuanza ujenzi wa lami katika barabara ya Njombe- Ludewa pia huduma zaidi kwa wananchi wa Ludewa kusogezwa.

Kwani alisema kuwa upo uwezekano mkubwa wa wilaya ya Ludewa kupiga hatua zaidi katika maendeleo iwapo ahadi hiyo ya Rais ya kuanza kwa mkoa huo wa Njombe ikatekelezwa haraka zaidi .

kuendelea kuchelewa kizindua mradi wa maji wa tovemtwango katika kata yamtwango, wilayani Njombe mnamo Novemba 11 mwakajana aliwaahidi wananchi kwamba utaratibu ukikamilika ikiwemo talatibu za kuteua mkuu wa mkoa na viongozi wengine, Njombe ingekua mkoa Rasmi pamoja na wilaya mpya ya wanging”ombe januari mosi,2012.

Huku mkazi wa Njombe John Haule akidai kuwa ahadi ya Rais aliyoitoa mwaka jana aliwahakikishia wananchi wa mkoa huo mpya kuwa uteuzi wa mkuu wa mkoa wa Njombe na katibu tawala pamoja na mkuu wa wilaya ya Wanging’ombe ungefanyika mapema kabla ya Januari ila hadi sasa kimya na kuwa inashangaza sana kuona ahadi kama hiyo inashindwa kutekelezwa .

Taratibi zinafanyika za kumhamisha DC (mkuu wa wilaya ya njombe) kutoka bomani Ofisi zake za sasa) na atahamishwa katika sehemu ya ofisi za Halmashauli ya uilaya anasema mkuu wa kitengo mojawapo katika halmashauli ya wilaya (jina limehifadhiwa)

Wakati rais Kikwete akizindua mradi wa tovemtwango mwishoni mwa mwaka jana alisema kuwa zoezi hilo lingekuwa limekamilika kwa kuipata timu nzima ya mikoa na wilaya mapema kabla ya Januari 2012

Kwa mujibu wa katiba ya jamhuri ya muungano wa Tanzania ya mwaka 1977 na marekebisho yake, Ibara ile ya 2(2) inampa nguvu rais ya kuigawa jamhuli ya muungano katika mkoa wilaya namaeneo mengineyo kwa kufuaata utaratibu uliowekwa nasheria au kwa mujibu wa sheria iliyotungwa na Bunge.

Kutokana na fulsa ambayo kiongozi huyo mkuu aliyonayo mwaka jana alitoa notsi ya kusudio la kuanzisha mikoa mine na wilaya 19.

Notisi hizo ambazo zimetolewa chini ya kifungu cha 4 cha sheria ya uanishaji wa mikoa na wilaya sura 397 ya Toleo la 2002 ilichapishwa kupitia tangazo la selikari Na. 285 septemba 9, 2011 kwa ajili ya unzishaji wa wilaya.

Katiba inaeleza lengo la kutoa mamlaka hiyo nikusaidia utekelezaji bora wa shughuli za serikali ikiwa pamoja na kubolesha utendaji wa serikali kuu kwa kupunguza ukubwa wa maeneo ya mikoa mama ili wananchi wapate huduma katika ngazi za kiutawala kwa karibu.

2012-01-14T14:52:00.004+03:00

KARIBUNI WAGENI NAF BLUE VIEW HOTEL MTWARA

Vyumba ndani ya Hotel ya NAF BLUE VIEW,Mtwara /Mikindani

Kila chumba kuna mawasiliano ya kutosha kama simu , TV n.k

NAF BLUE VIEW inaongoza kwa usafiri na uwapo ndani ya Hotel utafurahia kufika Mtwara

Vyoo na bafu za kisasa zaidi uwapo ndani ya Hotel ya NAF BLUE VIEW Mtwara
Mazingira yanapendeza zaidi ndani ya Hotel ya NAF BLUE VIEW Mtwara mkoani Lindi
Vitanda vyetu ni vya kisasa zaidi na utapenda kuendelea kutembelea Mtwara kila wakati iwapo utalala ndani ya Hotel yetu ya NAF BLUE VIEW

Hii ndio HOTEL YA NAF BLUE VIEW Mtwara

2012-01-14T14:52:00.003+03:00

BREAKINGNEWS.....MBUNGE REJIA MTEMA WA CHADEMA MOROGORO AFARIKI AJALINI

Mbunge Rejia Mtema enzi za uhai wake

Taarifa zilizotua katika mtandao huu wa www.francisgodwin.blogspot.com hivi punde zinadai kuwa mbunge wa viti maalum mkoa wa Morogoro kupitia chama cha Demokrasia na maendeleo (Chadema) Rejia Mtema amepata ajali asubuhi hii katika eneo la Ruvu na kufariki dunia papo hapo. Habari zinadai kuwa mbunge huyo alikuwa akiendesha mwenyewe gari lake na kupata ajali katika eneo hilo la Ruvu . undani wa taarifa hii utaendelea kuupata mara mpasha habari wetu atakapozipata habari za kina zaidi .

Mungu ailaze roho ya marehemu mahali pema peponi Amina

2012-01-14T14:41:00.005+03:00

KAMATI KUU YA CCM TAIFA YAMTEUA MOHAMED RAZA KUWA MGOMBEA WA NAFASI YA UWAKILISHI JIMBO LA UZINI

Katibu wa Itikadi na Uenezi wa CCM, Nape Nnauye, akizungumza na waandishi wa habari (hawapo pichani) Mjini Zanzibar leo Januari 12, 2012, wakati akitangaza rasmi matokeo ya Kikao cha Kamati Kuu ya CCM Taifa, kilichomteua, Mohamed Raza, kuwa mgombea wa nafasi ya Uwakilisho wa Jimbo la Uzini kupitia CCM. Nape alisema kuwa Kamati hiyo imeamua kumteua Raza kutokana na Kamati kujiridhisha kwa vigezo vyote husika ambapo alimtaja Rais Mstaafu wa Zanzibar, Amani Abeid Karume kuwa ndiye atakayezindua rasmi kampeni za uchaguzi huo unaotaraiwa kufanyika Februari 12 mwaka huu, ambapo pia kampeni hizo zitafungwa na Rais Mstaafu wa awamu ya pili wa Jamhuri ya Muungano wa Tanzania, Ali Hassan Mwinyi.

HABARI KAMILI

Kamati Kuu ya CCM imemteua mwanachama wake, Mohammed Raza kuwa mgombea wa Uwakilishi jimbo la Uzini.
Katibu wa Halmashauri Kuu ya Taifa ya CCM, Itikadi na Uenezi, Nape Nnauye alisema kwamba kikao hicho kilichofanyika chini ya Mwenyekiti wa CCM, Rais Jakaya Kikwete kimempitisha Raza baada ya kuridhika na sifa zake.
Nape alisema, Kamati Kuu pia imemteua Makamu Mwenyekiti wa CCM (Zanzibar), Dk. Aman Karume kufungua kampeni za CCM za kuwania jimbo hilo ambazo zitafanyika Januari 28, mwaka huu katika Uwanja wa mpira wa Ghana.
Alisema wakati kampeni zitafunguliwa na Dk. Karume, ufungaji kampeni hizo utafanywa na Rais mstaafu Ali Hassan Mwinyi kwenye Uwanja wa mpira wa Tunduni.
Uchaguzi mdogo wa uwakilishi jimbo la Uzini unafanyika kufuatia kufariki dunia aliyekuwa mwakilishi wake kwa tiketi ya CCM, Mussa Hamis Silima aliyefariki kwa ajali ya gari, Septemba 23, mwaka jana.
Kuhusu minong’ono kwamba Raza ana utata katika uraia wake, Nape alisema Kamati Kuu imelitaza jambo hilo kwa makini lakini haikuweza kulipa uzito wa kumyima Raza nafasi ya kugombea kwa kuwa hakuna ushahidi wowote uliowasilishwa kuthibitisha hilo.
“Bado tunao muda wa kutosha, kama yupo mwenye ushahidi wa kutosha kuhusu hili anaweza kuleta ushahidi, ukiwa na uzito hatutaupuuza”, alisema Nape.

Picha 1 na 2:- Mwenyekiti wa CCM, Rais Jakaya Kikwete (kulia), akiendesha Kikako cha Kamati Kuu ya CCM Taifa kilichokaa leo mjini Zanzibar kwa ajili ya kujadili na kuchagua mgombea atakayekiwakilisha Chama cha Mapinduzi CCM katika uchaguzi mdogo wa Uwakilishi katika Jimbo la Uzini, ambapo Kamati hiyo imemtangaza Mohamed Raza kuwa mgombea wa nafasi hiyo kupitia CCM. Kulia kwa Rais ni Makamu Mwenyekiti, Aman Abeid Karume, Rais wa Zanzibar, Dkt. Ali Mohamed Shein, Rais Mstaafu wa awamu ya tatu, Benjamin Mkapa, Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, Waziri Mkuu, Mizengo Pinda na Makamu wa pili wa Rais wa Zanzibar, Balozi Seif Ali Idd.